ചൈന വന്ന് നമ്മുടെ സ്ഥലം കൈയ്യേറി; മോദി മിണ്ടാതെ സ്ഥലംവിട്ടു; വിമര്‍ശിച്ച് രാഹുല്‍ ഗാന്ധി

ന്യൂഡല്‍ഹി։ ലഡാക്കിലെ അതിര്‍ത്തി മേഖലയില്‍ ചൈനീസ് സൈന്യം അതിക്രമിച്ച് കടന്ന വിഷയത്തില്‍ പ്രധാനമന്ത്രി നരേന്ദ്രമോദിക്കെതിരെ രൂക്ഷവിമര്‍ശനവുമായി കോണ്‍ഗ്രസ് നേതാവ് രാഹുല്‍ ഗാന്ധി.

Also Read : തമിഴ്നാട്ടിൽ എംഎല്‍എ കൊവിഡ് ബാധിച്ച് മരിച്ചു

വിഷയത്തില്‍ പ്രധാനമന്ത്രി മൗനം പാലിക്കുകയാണെന്നും ചിത്രത്തില്‍ നിന്നും അദ്ദേഹം മാറിയതായും രാഹുല്‍ ഗാന്ധി ആരോപിക്കുന്നു. ട്വിറ്ററിലൂടെയാണ് രാഹുലിന്റെ വിമര്‍ശനമുണ്ടായിരിക്കുന്നത്.


ഇന്നലെയാണ് ഇരുരാജ്യങ്ങളുടെയേും സൈന്യം പ്രദേശത്തു നിന്നും പിന്‍വാങ്ങിയതായി വാര്‍ത്തകള്‍ പുറത്തുവന്നത്. കിഴക്കൻ ലഡാക്കിൽ നിന്നുമാണ് സൈന്യം പിന്‍വാങ്ങിയയത്. ചൈനീസ് സൈന്യം ചില മേഖലകളില്‍ 2.5 കിലോമീറ്റര്‍ വരെ പിന്നിലേക്ക് നീങ്ങുകയും ചെയ്തിട്ടുണ്ട് എന്നാണ് റിപ്പോര്‍ട്ട്. ജൂണ്‍ ആറിന് ലഫ്റ്റനന്റ് ജനറല്‍മാര്‍ തമ്മില്‍ നടത്തിയ ചർച്ചയ്ക്ക് ശേഷമാണ് പുതിയ നീക്കം.

പട്രോളിങ്ങ് പോയിന്റ് 14, 15 ഹോട്ട്സ്പ്രിങ്ങ്സ് തുടങ്ങിയ പ്രദേശങ്ങളിലാണ് ചര്‍ച്ചകള്‍ നടക്കുന്നതെന്നും സൈനിക വൃത്തങ്ങളെ ഉദ്ധരിച്ചുകൊണ്ട് വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തിരുന്നു.

Also Read : മുൻ രഞ്ജി താരം ജയമോഹന്‍ തമ്പിയുടെ കൊലപാതകം; മകൻ അശ്വിൻ അറസ്റ്റിൽ

വരുന്ന ആഴ്ച ഇന്ത്യയുടേയും ചൈനയുടേയും സൈനീക തലത്തിലുള്ള ചര്‍ച്ചകള്‍ തുടങ്ങാനിരിക്കെയാണ് സംഘർഷത്തിന് അയവ് വരുത്തിയിരിക്കുന്നത്.