രാഹുൽ ദേശീയ വാദികളിൽ നിന്നും ട്യൂഷൻ സ്വീകരിക്കണമെന്ന് ഹാഥ്രസ് പ്രതികളെ ന്യായീകരിച്ച ബിജെപി എംഎൽഎ

ലഖ്നൗ: പെൺകുട്ടികളെ മൂല്യങ്ങൾ പഠിപ്പിച്ച് വളർത്താത്തതാണ് പീഡനങ്ങൾക്ക് കാരണമെന്നു പറഞ്ഞ ബിജെപി എംഎൽഎ സുരേന്ദ്ര സിങ് രാഹുൽ ഗാന്ധിക്കെതിരെ രംഗത്ത്. ദേശീയ വാദികളിൽ നിന്നും ട്യൂഷൻ സ്വീകരിച്ചാൽ മാത്രമേ രാഹുലിന് ദേശീയതെയെപ്പറ്റി മനസിലാക്കാൻ സാധിക്കൂ എന്ന് സുരേന്ദ്ര സിങ് പറഞ്ഞു.

"ഭാരതീയ സംസ്കാരത്തിന്റെ കാതൽ എന്താണെന്ന് അദ്ദേഹത്തിന് മനസിലായിട്ടില്ല. ചിരിച്ചുകൊണ്ട് ഹാഥ്രസിലേക്ക് പോയ രാഹുലും പ്രിയങ്കയും പെൺകുട്ടിയുടെ വീട്ടിൽ എത്തിയപ്പോൾ കണ്ണീർ പൊഴിച്ചു." രാഹുലിന്റേയും പ്രിയങ്കയുടേയും കാപട്യം നാം കണ്ടുവെന്നും സുരേന്ദ്ര സിങ് പറഞ്ഞു.

Also Read: സ്‌കൂളുകൾ തുറക്കാം; പുതിയ നിർദേശങ്ങൾ ഇങ്ങനെ, മാർഗരേഖ പുറപ്പെടുവിച്ച് കേന്ദ്രം

"പുരുഷന്മാർ സ്ത്രീകളെ പീഡിപ്പിക്കുന്നു. ശേഷം സ്ത്രീകളെ നല്ല മൂല്യങ്ങൾ പഠിപ്പിക്കണമെന്ന് പറയുന്നു." എന്നുള്ള രാഹുൽ ഗാന്ധിയുടെ പ്രസ്താവനയോട് പ്രതികരിക്കുകയായിരുന്നു ബിജെപി എംഎൽഎ.

ഹാഥ്രസിൽ പെൺകുട്ടി കൂട്ട ബലാത്സംഗത്തിനിരയായി കൊല്ലപ്പെട്ടതിനെത്തുടർന്ന് രാജ്യത്തുടനീളം പ്രതിഷേധം വ്യാപിക്കുമ്പോഴാണ് പെൺകുട്ടികളെ മൂല്യങ്ങൾ പഠിപ്പിച്ച് വളർത്തണമെന്ന വിവാദ പ്രസ്താവനയുമായി സുരേന്ദ്ര സിങ് രംഗത്തെത്തിയത്. രാജ്യത്ത് പീഡനങ്ങൾ വർദ്ധിക്കുന്നത് എന്തുകൊണ്ടാണെന്നുള്ള മാധ്യമ പ്രവർത്തകരുടെ ചോദ്യത്തിനായിരുന്നു സുരേന്ദ്ര സിങിന്റെ മറുപടി.