രാഹുല്‍ ഉടൻ കോണ്‍ഗ്രസ് അധ്യക്ഷനാകുമെന്ന് സൂചന

രാഹുല്‍ ഗാന്ധി കോണ്‍ഗ്രസ് അധ്യക്ഷ സ്ഥാനത്തേക്ക് എത്തിയേക്കുമെന്ന് സൂചന. സെപ്റ്റംബറില്‍ രാഹുല്‍ അധ്യക്ഷപദവി ഏറ്റെടുത്തേക്കുമെന്ന് മുതിര്‍ന്ന പാര്‍ട്ടി നേതാവ് വ്യക്തമാക്കി. നിലവില്‍ കോണ്‍ഗ്രസ് ഉപാധ്യക്ഷനാണ് രാഹുല്‍.

രാഹുല്‍ ഗാന്ധി കോണ്‍ഗ്രസ് അധ്യക്ഷസ്ഥാനത്തേക്ക് എത്തണമെന്ന ആവശ്യം പാര്‍ട്ടിക്കുള്ളില്‍ ശക്തമാണ്. എന്നാല്‍ ഇക്കാര്യത്തില്‍ അന്തിമ തീരുമാനമെടുക്കേണ്ടത് കോണ്‍ഗ്രസ് അധ്യക്ഷ സോണിയ ഗാന്ധിയാണെന്നാണ് പാര്‍ട്ടിവൃത്തങ്ങളില്‍നിന്നും ലഭിക്കുന്ന വിവരം. രാഹുലിനു പകരം പ്രിയങ്ക ഗാന്ധി അധ്യക്ഷസ്ഥാനത്തേക്ക് വരണമെന്നും പാര്‍ട്ടിക്കുള്ളിലെ ഒരു വിഭാഗം ആവശ്യപ്പെടുന്നുണ്ട്.