രാഹുല്‍ ഗാന്ധിയെ കോണ്‍ഗ്രസ് അധ്യക്ഷനാക്കണം: മണിശങ്കര്‍ അയ്യര്‍

ന്യൂഡല്‍ഹി: ഉത്തര്‍ പ്രദേശിലെ കനത്ത തോല്‍വിക്കു ശേഷം കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയുടെ നേതൃത്വം ചോദ്യംചെയ്യപ്പെടുന്നതിനിടെ രാഹുലിന് പിന്തുണയുമായി മുതിര്‍ന്ന കോണ്‍ഗ്രസ് നേതാവ് മണിശങ്കര്‍ അയ്യര്‍. രാഹുല്‍ ഗാന്ധിയെ കോണ്‍ഗ്രസ് അധ്യക്ഷനാക്കണമെന്ന് അയ്യര്‍ വാര്‍ത്താ ഏജന്‍സിയായ പിടിഐയോട് പറഞ്ഞു.

കോണ്‍ഗ്രസ് അധ്യക്ഷ സോണിയാ ഗാന്ധിക്ക് ഒരു ഉപദേഷ്‍ടാവിനെ നിയമിക്കണമെന്ന് അഭിപ്രായപ്പെട്ട അയ്യര്‍ എല്ലാവരെയും ഉള്‍ക്കൊള്ളുന്ന പാര്‍ട്ടി എന്ന നിലയില്‍നിന്ന് എല്ലാവരെയും ഉള്‍ക്കൊള്ളിച്ച് സഖ്യം രൂപീകരിക്കാന്‍ കോണ്‍ഗ്രസിന് കഴിയണമെന്നും അഭിപ്രായപ്പെട്ടു. അധ്യക്ഷപദവിയിലേക്കുള്ള വരവ് രാഹുലിന് കൂടുതല്‍ മെച്ചമായി പ്രവര്‍ത്തിക്കാനുള്ള അവസരം നല്‍കുമെന്ന് അദ്ദേഹം കൂട്ടിച്ചേര്‍ത്തു. അത് വൈകാതെ ഉണ്ടാകുമെന്നും അയ്യര്‍ പ്രത്യാശ പ്രകടിപ്പിച്ചു.

എന്നാല്‍ യുപിയിലെയും ഉത്തരാഖണ്ഡിലെയും തോല്‍വിക്കു ശേഷം രാഹുലിനെതിരായ പടയൊരുക്കം കോണ്‍ഗ്രസില്‍ ആരംഭിച്ചിട്ടുണ്ടെന്നുള്ള സൂചനയാണ് മറ്റു നേതാക്കളുടെ പ്രസ്‍താവനകള്‍ നല്‍കുന്നത്. രാഹുല്‍ ഉറച്ച തീരുമാനങ്ങളെടുക്കുന്നില്ലെന്ന് മുതിര്‍ന്ന കോണ്‍ഗ്രസ് നേതാവ് ദിഗ്‍വിജയ് സിങ് നേരത്തേ അഭിപ്രായപ്പെട്ടിരുന്നു. പാര്‍ട്ടിയെ നയിക്കാന്‍ ആവില്ലെങ്കില്‍ രാഹുല്‍ പാര്‍ട്ടി വിടണമെന്ന് യൂത്ത് കോണ്‍ഗ്രസ് സംസ്ഥാന വൈസ് പ്രസിഡന്‍റ് സിആര്‍ മഹേഷ് ഇന്നലെ പറഞ്ഞിരുന്നു.

Rahul Gandhi must be made Congress chief: Mani Shankar Aiyar

Senior Congress leader Mani Shankar Aiyar has strongly pitched for making Rahul Gandhi the party president at a time when questions are being raised over his leadership abilities after the UP poll drubbing.