സുർതാഗഡ്: ദാരിദ്ര്യത്തിനെതിരായ പോരാട്ടത്തിന്റെ ഭാഗമാണ് കോൺഗ്രസിന്റെ പണം ഉറപ്പ് പദ്ധതിയെന്ന് കോൺഗ്രസ് അധ്യക്ഷൻ രാഹുൽ ഗാന്ധി. രാജ്യത്തുനിന്നും ദാരിദ്ര്യം തുടച്ചുനീക്കുമെന്നും രാഹുൽ ഗാന്ധി പറഞ്ഞു. രാജസ്ഥാനിലെ ഗംഗാനഗർ ജില്ലയിലെ സുർതാഗഡിൽ സംസാരിക്കുകയായിരുന്നു രാഹുൽ ഗാന്ധി. രാജ്യത്ത് ഇനിയൊരു ദരിദ്രൻപോലും ഉണ്ടാകില്ല. രാജ്യത്തെ 20 ശതമാനം കുടുംബങ്ങളെ ദാരിദ്ര്യ രേഖയ്ക്ക് മുകളിലാക്കും. രാജ്യത്തെ അഞ്ച്കോടി കുടുംബങ്ങളിലെ 25 കോടി ജനങ്ങൾക്ക് ഇതിന്റെ ഗുണം ലഭിക്കുമെന്നും രാഹുൽ ഗാന്ധി പറഞ്ഞു. മോദി രാജ്യത്തിന്റെ സമ്പത്ത് സമ്പന്നന്മാർക്ക് നൽകുകയാണ് ചെയ്തത്. കോൺഗ്രസ് അത് ദരിദ്രർക്ക് നൽകുമെന്നും രാഹുൽ ഗാന്ധി പറഞ്ഞു.
ദരിദ്രർക്ക് മാസം 12,000 രൂപ വരുമാനം ലഭിക്കുന്ന പദ്ധതിയാണ് അധികാരത്തിലെത്തിയാൽ ഉടൻ നടപ്പാക്കുക. 12,000 രൂപ ഉറപ്പാക്കുന്നതിനായി മാസം 6000 രൂപ വീതം സർക്കാർ നൽകും. ഒരുവർഷം ശരാശരി 72,000 രൂപവരെ രാജ്യത്തെ അതി ദരിദ്ര കുടുംബങ്ങൾക്ക് നൽകും. ബാങ്ക് അക്കൌണ്ടിലേക്ക് നേരിട്ടാണ് പണം നൽകുകയെന്നും രാഹുൽ വ്യക്തമാക്കി.
ഒരു കുടുംബത്തിന് മാസം 12,000 നൽകുമെന്നല്ല അർത്ഥം, മാസം 6000 രൂപ മാത്രമാണ് വരുമാനമെങ്കിൽ 6000 സർക്കാർ നൽകും. 8000 ആണ് വരുമാനമെങ്കിൽ 4000 നൽകും, 2000മാണ് വരുമാനമെങ്കിൽ 10000 നൽകുമെന്നും രാഹുൽ ഗാന്ധി പറഞ്ഞു.
ദരിദ്രർക്ക് മാസം 12,000 രൂപ വരുമാനം ലഭിക്കുന്ന പദ്ധതിയാണ് അധികാരത്തിലെത്തിയാൽ ഉടൻ നടപ്പാക്കുക. 12,000 രൂപ ഉറപ്പാക്കുന്നതിനായി മാസം 6000 രൂപ വീതം സർക്കാർ നൽകും. ഒരുവർഷം ശരാശരി 72,000 രൂപവരെ രാജ്യത്തെ അതി ദരിദ്ര കുടുംബങ്ങൾക്ക് നൽകും. ബാങ്ക് അക്കൌണ്ടിലേക്ക് നേരിട്ടാണ് പണം നൽകുകയെന്നും രാഹുൽ വ്യക്തമാക്കി.
ഒരു കുടുംബത്തിന് മാസം 12,000 നൽകുമെന്നല്ല അർത്ഥം, മാസം 6000 രൂപ മാത്രമാണ് വരുമാനമെങ്കിൽ 6000 സർക്കാർ നൽകും. 8000 ആണ് വരുമാനമെങ്കിൽ 4000 നൽകും, 2000മാണ് വരുമാനമെങ്കിൽ 10000 നൽകുമെന്നും രാഹുൽ ഗാന്ധി പറഞ്ഞു.