ഭുവനേശ്വര്: പ്രധാനമന്ത്രി നരേന്ദ്ര മോദിയ്ക്കെതിരെ രൂക്ഷവിമര്ശനവുമായി കോൺഗ്രസ് അധ്യക്ഷൻ രാഹുൽ ഗാന്ധി. ഇതുവരെ ഇന്ത്യ ഭരിച്ച ഏതു പ്രധാനമന്ത്രിമാരെക്കാളും ഇന്ത്യയെ ഏറ്റവും കൂടുതൽ കുഴപ്പത്തിൽ ചാടിച്ചത് ഇതുവരെ ഇന്ത്യ ഭരിച്ച പ്രധാനമന്ത്രിമാരെക്കാളധികം നുണ മോദി ഒറ്റയ്ക്ക് പറഞ്ഞിട്ടുണ്ടെന്നും രാഹുൽ ഗാന്ധി ആരോപിച്ചു. ഓഡീഷയിലെ കൊരാപുതിൽ വനിതാ ദിനത്തോടനുബന്ധിച്ച് നടത്തിയ പരിപാടിയിൽ സംസാരിക്കുമ്പോഴായിരുന്നു രാഹുലിന്റെ വിമര്ശനം. യാഥാര്ത്ഥ്യത്തെ ഒരിക്കലും അംഗീകരിക്കാത്ത ആളാണ് മോദിയെന്ന് രാഹുൽ വിമര്ശിച്ചു.ഇന്ത്യയ്ക്ക് നിരവധി പ്രധാനമന്ത്രിമാരുണ്ടായിട്ടുണ്ട്. എന്നാൽ മുന്പുണ്ടായിരുന്ന എല്ലാ പ്രധാനമന്ത്രിമാരും പറഞ്ഞ നുണകള് ചേര്ത്തുവെച്ചാലുള്ളതിലധികം നുണകള് നരേന്ദ്ര മോദി ഒറ്റയ്ക്കു പറഞ്ഞിട്ടുണ്ടെന്ന് രാഹുൽ കുറ്റപ്പെടുത്തി. റഫാൽ കരാര്, വര്ധിച്ചു വരുന്ന തൊഴിലില്ലായ്മ തുടങ്ങിയ വിഷയങ്ങള് ഉയര്ത്തിക്കാട്ടിയാണ് രാഹുൽ മോദിയ്ക്കെതിരെ ആഞ്ഞടിച്ചത്.
തൊഴിലില്ലായ്മ വര്ധിക്കുന്നതിനനുസരിച്ച് രാജ്യത്ത് സ്ത്രീകള്ക്കെതിരായ അതിക്രമങ്ങളും മദ്യ ഉപഭോഗവും സംഘര്ഷങ്ങളുമെല്ലാം ഉണ്ടായിട്ടുണ്ടെന്നും ഇത്തരം യാഥാര്ത്ഥ്യങ്ങള് അംഗീകരിക്കാതെ പ്രശ്നങ്ങള്ക്ക് പരിഹാരമുണ്ടാക്കാൻ കഴിയില്ലെന്നും രാഹുൽ വ്യക്തമാക്കി.
തൊഴിലില്ലായ്മ വര്ധിക്കുന്നതിനനുസരിച്ച് രാജ്യത്ത് സ്ത്രീകള്ക്കെതിരായ അതിക്രമങ്ങളും മദ്യ ഉപഭോഗവും സംഘര്ഷങ്ങളുമെല്ലാം ഉണ്ടായിട്ടുണ്ടെന്നും ഇത്തരം യാഥാര്ത്ഥ്യങ്ങള് അംഗീകരിക്കാതെ പ്രശ്നങ്ങള്ക്ക് പരിഹാരമുണ്ടാക്കാൻ കഴിയില്ലെന്നും രാഹുൽ വ്യക്തമാക്കി.