​രാഹുലിന്റേത് തോറ്റവൻെറ വാചകമടി: തിരിച്ചടിച്ച് ബിജെപി

ന്യൂഡൽഹി: എഎെസിസി പ്ലീനറി സമ്മേളനത്തിലെ കോൺഗ്രസ് അധ്യക്ഷൻ രാഹുൽ ഗാന്ധിയുടെ പ്രസംഗത്തിന് അതേ നാണയത്തിൽ തിരിച്ചടിയുമായി ബിജെപി. രാഹുലിൻെറ പ്രസംഗം തോറ്റു പോയവൻെറ വാചകമടി മാത്രമാണെന്ന് കേന്ദ്രമന്ത്രി നിർമ്മല സീതാരാമൻ പറഞ്ഞു. കാര്യമാത്ര പ്രസക്തമായി ഒന്നും രാഹുലിൻെറ വാക്കുകളിൽ ഇല്ലെന്നും അവർ പറഞ്ഞു.

1984ലെ സിഖ് വിരുദ്ധകലാപത്തിൻെറ പൂർണ ഉത്തരവാദിത്വം കോൺഗ്രസിനാണ്. ആ പാർട്ടി ഇന്ന് തീവ്രവാദികൾക്ക് വേണ്ടി സംസാരിക്കുന്നു. ശ്രീരാമൻെറ അസ്ഥിത്വം പോലും ചോദ്യം ചെയ്തവർ ഇപ്പോൾ തങ്ങൾ പാണ്ഡവരാണെന്ന് പറയുന്നെന്നും അവർ പറഞ്ഞു.

എഎെസിസി പ്ലീനറി സമ്മേളനത്തിൽ ബിജെപിക്കെതിരെയും പ്രധാനമന്ത്രി നരേന്ദ്രമോദിക്കെതിരെയും രൂക്ഷവിമർശനമാണ് രാഹുൽ ഉന്നയിച്ചത്.