മോദിക്കെതിരെ ശക്തമായ ആരോപണവുമായി രാഹുൽ

ന്യൂഡൽഹി: കർണാടക നിയമസഭാ തെരഞ്ഞെടുപ്പിൽ സംസ്ഥാനത്തെ കൊള്ളയടിച്ചവരെ തന്നെ വീണ്ടുമെത്തിക്കാൻ മോദി ശ്രമിക്കുന്നുവെന്ന് രാഹുൽ ഗാന്ധി. ഖനി വിവാദത്തിൽ ഉൾപ്പെട്ടിരുന്ന ബി.എസ് യെഡിയൂരപ്പക്കും റെഡ്‌ഡി സഹോദരന്മാർക്കും സീറ്റ് നൽകിയതിനെതിരെയായിരുന്നു രാഹുലിന്റെ പ്രതികരണം.

ബി.എസ്. യെഡിയൂരപ്പയും റെഡ്‌ഡി സഹോദരങ്ങളും അധികാരത്തിലിരിക്കുമ്പോൾ കർണാടകയെ കൊള്ളയടിച്ചു. സിദ്ധരാമയ്യയുടെ നേതൃത്വത്തിലുള്ള കോൺഗ്രസ് സർക്കാർ വന്നതോടെ ഇവരെ നിയമത്തിന് മുൻപിൽ കൊണ്ട് വന്നു. ഇവരിൽ എട്ടു പേരെ മോദി ഇപ്പോൾ ജയിലിൽ നിന്ന് വിധാൻസഭയിലേക്ക് എത്തിക്കാൻ ശ്രമിക്കുന്നു. ഇത് കർണാടകയെയും ബസവന്നയെയും അപമാനിക്കുന്നതിന് തുല്യമാണെന്നും രാഹുൽ വിലയിരുത്തി. രണ്ടു ദിവസത്തെ കർണാടക പര്യടനത്തിനായും തെരഞ്ഞെടുപ്പ് പ്രചാരണം വിലയിരുത്തുന്നതിനായും രാഹുൽ ഗാന്ധി ഇന്ന് എത്തും.