ആപ്പ്ജില്ല

പ്രീമിയം ട്രെയിനുകളുടെ നിരക്ക് കുറയ്‍ക്കാന്‍ റെയില്‍വേ

യാത്രക്കാരുടെ പരാതി ശ്രദ്ധയിൽപ്പെട്ടതിനെത്തുടർന്ന്

TNN 29 Sept 2017, 12:37 pm
ന്യൂഡല്‍ഹി: രാജധാനി, തുരന്തോ, ശതാബ്‍ദി തുടങ്ങിയ പ്രീമിയം തീവണ്ടികളില്‍ നടപ്പാക്കിയ ഫ്ലെക്സി ഫെയര്‍ സംവിധാനം പരിഷ്‍കരിക്കാന്‍ റെയില്‍വേ തയ്യാറെടുക്കുന്നു. ടിക്കറ്റ് ചാര്‍ജ് കുറയും വിധം ഇവയുടെ നിരക്ക് പുനക്രമീകരിക്കാനാണ് പദ്ധതി. അതേസമയം, മറ്റ് ട്രെയിനുകളുടെ നിരക്ക് വര്‍ധിപ്പിക്കില്ലെന്നും റെയില്‍വേ അറിയിച്ചു.
Samayam Malayalam railways reviews flexi fare system may slash prices
പ്രീമിയം ട്രെയിനുകളുടെ നിരക്ക് കുറയ്‍ക്കാന്‍ റെയില്‍വേ


ഫ്ലെക്സി ഫെയര്‍ സംവിധാനം ഏര്‍പ്പെടുത്തി ഒരു വര്‍ഷത്തിനകം 540 കോടിയോളം രൂപയാണ് റെയില്‍വേയ്ക്ക് ലഭിച്ചത്. എന്നാല്‍ ഉയര്‍ന്ന ചാര്‍ജിനെപ്പറ്റി നിരവധി പരാതികളും ലഭിച്ചു. ഉയര്‍ന്ന നിരക്കുമൂലം പല തീവണ്ടികളിലെയും സീറ്റുകള്‍ ഒഴിഞ്ഞുകിടക്കുന്നതായും റെയില്‍വേയുടെ ശ്രദ്ധയില്‍പ്പെട്ടു. ഇതോടെയാണ് നിരക്കുകള്‍ പുനര്‍നിര്‍ണയിക്കാന്‍ തീരുമാനിച്ചത്.

ഫ്ലെക്സി ഫെയര്‍ സംവിധാനത്തിന്‍റെ പ്രശ്‍നങ്ങള്‍ യാത്രക്കാര്‍ റെയില്‍വേയുടെ ശ്രദ്ധയില്‍പ്പെടുത്തിയിട്ടുണ്ടെന്ന് റെയില്‍വേ മന്ത്രി പീയൂഷ് ഗോയല്‍ പറഞ്ഞു. റെയില്‍വേയുടെ വരുമാനത്തില്‍ കാര്യമായ കുറവ് ഉണ്ടാവാത്ത വിധത്തില്‍ ഇത് പരിഹരിക്കുമെന്നും അദ്ദേഹം കൂട്ടിച്ചേര്‍ത്തു.

കഴിഞ്ഞ വര്‍ഷം സെപ്റ്റംബല്‍ 9നാണ് പ്രീമിയം തീവണ്ടികളില്‍ മാത്രമായി ഫ്ലെക്സി നിരക്ക് സംവിധാനം റെയില്‍വേ ഏര്‍പ്പെടുത്തിയത്. രാജധാനി, ശതാബ്‍ദി തുടങ്ങിയ തീവണ്ടികളുടെ 10 ശതമാനം സീറ്റുകള്‍ സാധാരണ നിരക്കില്‍ നല്‍കുകയും പിന്നിടുള്ള ഓരോ 10 ശതമാനത്തിനും 10 ശതമാനം വീതം നിരക്ക് വര്‍ധിപ്പിക്കുകയും ചെയ്യുന്നതായിരുന്നു രീതി. 50 ശതമാനമായിരുന്നു ഏറ്റവും കൂടിയ നിരക്ക് വര്‍ധന.

Railways to review flexi-fare system

Railway Minister Piyush Goyal said that the ministry is considering revamping the flexi-fare system applicable for premium trains.

ആര്‍ട്ടിക്കിള്‍ ഷോ

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക്പേജ് ലൈക്ക് ചെയ്യൂ
ട്രെൻഡിങ്