റെയില്‍വേ സുരക്ഷ: ട്രാക്കില്‍ ഡ്രോണുകളെ വിന്യസിക്കുന്നു

ന്യൂഡല്‍ഹി: ട്രെയിനപകടങ്ങള്‍ വര്‍ദ്ധിച്ച സാഹചര്യത്തില്‍ റെയില്‍വേ സുരക്ഷയ്ക്കായി ഡ്രോണുകളെ നിയോഗിക്കുന്നു. ട്രാക്കിലെ അറ്റക്കുറ്റപണികള്‍, രക്ഷാ പ്രവര്‍ത്തനങ്ങള്‍ തുടങ്ങിയവ ഡ്രോണുകള്‍ നിരീക്ഷിക്കും.

വിവിധ സീസണുകളിലെ ജനക്കൂട്ട നിയന്ത്രണത്തിനും ഡ്രോണുകളെ ഉപയോഗിക്കും. ഡ്രോണുകളുടെ ഉപയോഗത്തിനായി മികച്ച സാങ്കേതികതയുള്ള ക്യാമറകള്‍ വാങ്ങാന്‍ റെയില്‍വെ വിവിധ സോണുകള്‍ക്ക് നിര്‍ദേശം നല്‍കിയിട്ടുണ്ട്. .

മധ്യപ്രദേശിലെ ജബല്‍പുര്‍ ആസ്ഥാനമായുള്ള മധ്യ-പടിഞ്ഞാറന്‍ റെയില്‍വ സോണില്‍ ഇതിനകം ഡ്രോണുകള്‍ ഉപയോഗിച്ചുള്ള നിരീക്ഷണം പരീക്ഷണാടിസ്ഥാനത്തില്‍ നടപ്പിലാക്കി തുടങ്ങി. ജബല്‍പുര്‍, ഭോപ്പാല്‍, കോട്ട എന്നീ ഡിവഷനുകളിലാണ് പരീക്ഷണം നടത്തുന്നത്..