തേജസ് യുദ്ധവിമാനത്തില്‍ പറക്കുന്ന ആദ്യ പ്രതിരോധ മന്ത്രിയായി രാജ്‍നാഥ് സിങ്
ബെംഗളൂരുവിലെ എച്ച്.എല്‍.എല്‍. വിമാനത്താവളത്തില്‍ നിന്നാണ് തദ്ദേശീയമായി നിര്‍മിച്ച ഇരട്ട സീറ്റുള്ള തേജസ് യുദ്ധ വിമാനത്തില്‍ രാജ്‍നാഥ് സിങ് ആകാശയാത്ര നടത്തിയത്
Samayam Malayalam 19 Sept 2019, 10:47 am
ബെംഗളൂരു: തദ്ദേശമായി നിര്‍മിച്ച തേജസ് യുദ്ധവിമാനത്തില്‍ പറക്കുന്ന രാജ്യത്തെ ആദ്യ പ്രതിരോധ മന്ത്രിയായി രാജ്‍നാഥ് സിങ്. വ്യാഴാഴ്ച രാവിലെ ബെഗളൂരുവിലെ എച്ച്.എ.എല്‍. വിമാനത്താവളത്തില്‍ നിന്നാണ് രാജ്‍നാഥ് സിങ് ലഘു യുദ്ധ വിമാനമായ തേജസില്‍ ആകാശയാത്ര നടത്തിയത്.
എയര്‍ വൈസ് മാര്‍ഷല്‍ എന്‍.തിവാരിയും രാജ്‍നാഥ് സിങ്ങിനൊപ്പം വിമാനത്തിലുണ്ടായിരുന്നു. ബെഗളൂരുവിലെ എയ്‍റോനോട്ടിക്കല്‍ ഡെവലപ്‍മെന്‍റ് ഏജന്‍സിയിലെ നാഷനല്‍ ഫ്ലൈറ്റ് ടെസ്റ്റ് സെന്‍റര്‍ ഡയറക്ടര്‍ കൂടിയാണ് എന്‍. തിവാരി.
തേജസിന്‍റെ രണ്ട് സീറ്റുകളുള്ള ചെറു വിമാനത്തിലാണ് പ്രതിരോധമന്ത്രി പറന്നത്. വിമാനത്തില്‍ കയറാനുള്ള സ്യൂട്ടണിഞ്ഞ ശേഷം വലിയ ദിവസത്തിനായി താന്‍ തയ്യാറായി എന്ന് രാജ്‍നാഥ് സിങ് ട്വീറ്റ് ചെയ്‍തിരുന്നു. വിമാനത്തില്‍ കയറുന്നതിന്‍റെ ചിത്രങ്ങളും അദ്ദേഹം ട്വിറ്ററില്‍ പങ്കുവെച്ചിരുന്നു.
രാജ്‍നാഥ് സിങ് വ്യാഴാഴ്ച ബെംഗളൂരുവില്‍ നിന്ന് തേജസ് യുദ്ധവിമാനത്തില്‍ പറക്കുമെന്ന് നേരത്തെ പ്രതിരോധ മന്ത്രാലയ പ്രതിനിധിയും അറിയിച്ചിരുന്നു. ഇന്ത്യന്‍ വ്യോമസേനാ പൈലറ്റുകളും വിശദീകരണത്തിനുശേഷമാണ് രാജ്‍നാഥ് സിങ് തേജസിലേക്ക് കയറിയത്.
ഡി.ആര്‍.ഡി.ഒ.യുടെ കീഴില്‍ബെംഗളൂരു ആസ്ഥാനമായി പ്രവര്‍ത്തിക്കുന്ന എയ്‍റോനോട്ടിക്കല്‍ ഡെവലപ്‍മെന്‍റ് ഏജന്‍സിയാണ് തേജസ് യുദ്ധ വിമാനം രൂപകല്‍പന ചെയ്‍തത്. ഹിന്ദുസ്ഥാന്‍ എയ്‍റോനോട്ടിക്കല്‍സ് ലിമിറ്റഡാണ് (എച്ച്.എ.എല്‍.) വിമാനം നിര്‍മിച്ചത്.
എയര്‍ വൈസ് മാര്‍ഷല്‍ എന്‍.തിവാരിയും രാജ്‍നാഥ് സിങ്ങിനൊപ്പം വിമാനത്തിലുണ്ടായിരുന്നു. ബെഗളൂരുവിലെ എയ്‍റോനോട്ടിക്കല്‍ ഡെവലപ്‍മെന്‍റ് ഏജന്‍സിയിലെ നാഷനല്‍ ഫ്ലൈറ്റ് ടെസ്റ്റ് സെന്‍റര്‍ ഡയറക്ടര്‍ കൂടിയാണ് എന്‍. തിവാരി.
തേജസിന്‍റെ രണ്ട് സീറ്റുകളുള്ള ചെറു വിമാനത്തിലാണ് പ്രതിരോധമന്ത്രി പറന്നത്. വിമാനത്തില്‍ കയറാനുള്ള സ്യൂട്ടണിഞ്ഞ ശേഷം വലിയ ദിവസത്തിനായി താന്‍ തയ്യാറായി എന്ന് രാജ്‍നാഥ് സിങ് ട്വീറ്റ് ചെയ്‍തിരുന്നു. വിമാനത്തില്‍ കയറുന്നതിന്‍റെ ചിത്രങ്ങളും അദ്ദേഹം ട്വിറ്ററില്‍ പങ്കുവെച്ചിരുന്നു.
രാജ്‍നാഥ് സിങ് വ്യാഴാഴ്ച ബെംഗളൂരുവില്‍ നിന്ന് തേജസ് യുദ്ധവിമാനത്തില്‍ പറക്കുമെന്ന് നേരത്തെ പ്രതിരോധ മന്ത്രാലയ പ്രതിനിധിയും അറിയിച്ചിരുന്നു. ഇന്ത്യന്‍ വ്യോമസേനാ പൈലറ്റുകളും വിശദീകരണത്തിനുശേഷമാണ് രാജ്‍നാഥ് സിങ് തേജസിലേക്ക് കയറിയത്.
ഡി.ആര്‍.ഡി.ഒ.യുടെ കീഴില്‍ബെംഗളൂരു ആസ്ഥാനമായി പ്രവര്‍ത്തിക്കുന്ന എയ്‍റോനോട്ടിക്കല്‍ ഡെവലപ്‍മെന്‍റ് ഏജന്‍സിയാണ് തേജസ് യുദ്ധ വിമാനം രൂപകല്‍പന ചെയ്‍തത്. ഹിന്ദുസ്ഥാന്‍ എയ്‍റോനോട്ടിക്കല്‍സ് ലിമിറ്റഡാണ് (എച്ച്.എ.എല്‍.) വിമാനം നിര്‍മിച്ചത്.