ബെംഗലുരു: ഇന്ത്യ കഴിഞ്ഞ അഞ്ച് വര്‍ഷങ്ങള്‍ക്കിടയിൽ മൂന്ന് വട്ടം അതിര്‍ത്തി കടന്ന് ആക്രമിച്ചിട്ടുണ്ടെന്ന വെളിപ്പെടുത്തലുമായി കേന്ദ്ര ആഭ്യന്തരമന്ത്രി രാജ്നാഥ് സിങ്. ഇന്ത്യൻ സേനകള്‍ വിജയകരമായി മൂന്ന് വട്ടം അതിര്‍ത്തി കടന്ന് ആക്രമണം നടത്തിയിട്ടുണ്ടെന്നും എന്നാൽ മൂന്നാമത്തെ ആക്രമണത്തെപ്പറ്റി വെളിപ്പെടുത്താൻ തനിക്ക് കഴിയില്ലെന്നും രാജ്നാഥ് സിങ് പറഞ്ഞു.ഇന്ത്യ 2016ൽ നടത്തിയ സര്‍ജിക്കൽ സ്ട്രൈക്കാണ് ആദ്യത്തെ ആക്രമണമായി രാജ്നാഥ് സിങ് ചൂണ്ടിക്കാട്ടിയത്. രണ്ടാമത്തെ ആക്രമണം ബാലകോട്ടിൽ നടത്തിയ വ്യോമാക്രമണം. എന്നാൽ മൂന്നാമത്തെ ആക്രമണത്തെക്കുറിച്ച് പറയാനാകില്ലെന്ന് രാജ്നാഥ് സിങ് പറഞ്ഞു. കര്‍ണാടകയിലെ ഒരു തെരഞ്ഞെടുപ്പ് റാലിയിലായിരുന്നു രാജ്നാഥ് സിങിന്‍റെ പരാമര്‍ശം.
ഇന്ത്യ മൂന്നാമതും പാക് അതിര്‍ത്തി കടന്ന് ആക്രമണം നടത്തിയെന്ന മന്ത്രിയുടെ പരാമര്‍ശം ബിജെപി പ്രവര്‍ത്തകര്‍ ഹര്‍ഷാരവത്തോടെയാണ് സ്വീകരിച്ചത്. ഫെബ്രുവരി 14ന് ജെയ്ഷെ മുഹമ്മദ് ഭീകരര്‍ പുൽവാമയിൽ സിആര്‍പിഎഫ് വാഹനവ്യൂഹത്തിന് നേര്‍ക്ക് നടത്തിയ ആക്രമണത്തിന് മറുപടിയായാണ് ഇന്ത്യ പാക്കിസ്ഥാനിലെ ബാലകോട്ടിലെ ജെയ്ഷ് കേന്ദ്രത്തിന് നേര്‍ക്ക് വ്യോമാക്രമണം നടത്തിയത്. 2016ൽ ഉറി ഭീകരാക്രമണത്തിന് മറുപടിയായാണ് ഇന്ത്യൻ സൈന്യം നിയന്ത്രണരേഖ മറികടന്ന് പാക് സൈന്യത്തിന് തിരിച്ചടി നല്‍കിയത്.
ബാലകോട്ട് വ്യോമാക്രമണം ലക്ഷ്യം കണ്ടില്ലെന്നും കെട്ടിടത്തിന് കേടുപാടുകളില്ലെന്നുമുള്ള അന്താരാഷ്ട്ര മാധ്യമങ്ങളുടെ റിപ്പോര്‍ട്ടുകള്‍ക്ക് പിന്നാലെ വ്യോമാക്രമണം വിജയിച്ചതിന് തെളിവ് ചോദിച്ച് പ്രതിപക്ഷ നേതാക്കളടക്കം രംഗത്തെത്തിയിരുന്നു. ഇതിനിടെയാണ് മൂന്ന് വട്ടം ഇന്ത്യ അതിര്‍ത്തി കടന്ന് ആക്രമണം നടത്തിയതായി ആഭ്യന്തരമന്ത്രിയുടെ അവകാശവാദം.
ഇന്ത്യ മൂന്നാമതും പാക് അതിര്‍ത്തി കടന്ന് ആക്രമണം നടത്തിയെന്ന മന്ത്രിയുടെ പരാമര്‍ശം ബിജെപി പ്രവര്‍ത്തകര്‍ ഹര്‍ഷാരവത്തോടെയാണ് സ്വീകരിച്ചത്. ഫെബ്രുവരി 14ന് ജെയ്ഷെ മുഹമ്മദ് ഭീകരര്‍ പുൽവാമയിൽ സിആര്‍പിഎഫ് വാഹനവ്യൂഹത്തിന് നേര്‍ക്ക് നടത്തിയ ആക്രമണത്തിന് മറുപടിയായാണ് ഇന്ത്യ പാക്കിസ്ഥാനിലെ ബാലകോട്ടിലെ ജെയ്ഷ് കേന്ദ്രത്തിന് നേര്‍ക്ക് വ്യോമാക്രമണം നടത്തിയത്. 2016ൽ ഉറി ഭീകരാക്രമണത്തിന് മറുപടിയായാണ് ഇന്ത്യൻ സൈന്യം നിയന്ത്രണരേഖ മറികടന്ന് പാക് സൈന്യത്തിന് തിരിച്ചടി നല്‍കിയത്.
ബാലകോട്ട് വ്യോമാക്രമണം ലക്ഷ്യം കണ്ടില്ലെന്നും കെട്ടിടത്തിന് കേടുപാടുകളില്ലെന്നുമുള്ള അന്താരാഷ്ട്ര മാധ്യമങ്ങളുടെ റിപ്പോര്‍ട്ടുകള്‍ക്ക് പിന്നാലെ വ്യോമാക്രമണം വിജയിച്ചതിന് തെളിവ് ചോദിച്ച് പ്രതിപക്ഷ നേതാക്കളടക്കം രംഗത്തെത്തിയിരുന്നു. ഇതിനിടെയാണ് മൂന്ന് വട്ടം ഇന്ത്യ അതിര്‍ത്തി കടന്ന് ആക്രമണം നടത്തിയതായി ആഭ്യന്തരമന്ത്രിയുടെ അവകാശവാദം.