രാജ്യസഭയിൽ മന്‍മോഹന്‍ സിങ്ങിനെ പരിഹസിച്ച്‌ പ്രധാനമന്ത്രി

ന്യൂഡല്‍ഹി: മുന്‍ പ്രധാനമന്ത്രി മന്‍മോഹന്‍ സിങ്ങിനെതിരെ രൂക്ഷ പരിഹാസവുമായി പ്രധാനമന്ത്രി നരേന്ദ്രമോദി. റെയിന്‍കോട്ടിട്ട് കുളിക്കാന്‍ മന്‍മോഹനെനെ കഴിയൂ എന്ന മോദിയുടെ ഹരിഹാസത്തില്‍ പ്രതിഷേധിച്ച്‌ കോണ്‍ഗ്രസ് അംഗങ്ങള്‍ രാജ്യസഭയില്‍ നിന്ന് ഇറങ്ങിപ്പോയി.

മന്‍മോഹന്‍ സിങ്ങിന്റെ ഭരണകാലത്ത് അഴിമതികള്‍ ഒട്ടേറെയുണ്ടായിട്ടും അദേഹത്തിനുമേല്‍ അതിന്റെ കറയേല്‍ക്കാതിരുന്നത് ഇതുകൊണ്ടാണെന്ന് മോദി പരിഹസിച്ചു. രാഷ്ട്രപതിയുടെ നന്ദി പ്രമേയത്തിന് രാജ്യസഭയില്‍ മറുപടി പറയുന്നതിനിടെയാണ് മോദിയുടെ പരാമര്‍ശം എന്‍.ഡി.എ സര്‍ക്കാരിന്‍റെ കള്ളപ്പണത്തിനെതിരായ പോരാട്ടത്തില്‍ രാഷ്ട്രീയമില്ല. നോട്ട് നിരോധനത്തില്‍ സര്‍ക്കാരിന് പോസിറ്റീവ് സമീപനം മാത്രമാണുള്ളതെന്നും മോദി വാദിച്ചു. കഴിഞ്ഞ കാലങ്ങളില്‍ പല കമ്മീഷണുകളും നോട്ട് നിരോധനം എന്ന ആശയം മുന്നോട്ട് വച്ചതാണ്. ഇന്ദിരാഗാന്ധിയുടെ സ്വാര്‍ത്ഥ താല്‍പര്യങ്ങള്‍ കൊണ്ടാണ് വാഞ്ചു കമ്മിറ്റിയുടെ നോട്ട് നിരോധനം എന്ന ആശയത്തെ തട്ടിക്കളഞ്ഞതെന്നും മോഡി കൂട്ടിച്ചേര്‍ത്തു.

സര്‍ക്കാരിനുമേല്‍ രൂക്ഷ വിമര്‍ശനങ്ങള്‍ ഉന്നയിക്കുമ്പോള്‍ അതിന് തിരിച്ച്‌ കിട്ടുന്ന മറുപടി കേള്‍ക്കാനുള്ള ത്രാണിയും കോണ്‍ഗ്രസിനുണ്ടാകണമെന്ന് മോദി ഓര്‍മ്മിപ്പിച്ചു. മോദിയുടെ നോട്ട് നിരോധനം സംഘടിത കൊള്ള ആണെന്ന് കോണ്‍ഗ്രസ് ആരോപിച്ചിരുന്നു. മോദിക്ക് മറുപടി പറയേണ്ടതില്ലെന്ന് മന്‍മോഹന്‍ സിങ്ങും പ്രതികരിച്ചു. എന്നാല്‍, മോദിയുടെ പ്രതികരണം തരംതാഴ്ന്നതാണെന്ന് മുന്‍ കേന്ദ്രമന്ത്രി പി. ചിദംബരം പ്രതികരിച്ചു.

Rajya Sabha: PM Modi takes a dig at Manmohan Singh.