കേന്ദ്ര റെയിൽവേ സഹമന്ത്രിക്കെതിരെ പീഡനക്കേസ്

ന്യൂഡൽഹി: കേന്ദ്ര റെയിൽവേ സഹമന്ത്രിക്കെതിരെ അസാമിൽ പീഡനക്കേസ്. 24കാരിയായ വിവാഹിതയാണ് മന്ത്രി രജേൻ ഗോഹെയ്‍നെതിരെ പരാതി കൊടുത്തത്. ഭീഷണിപ്പെടുത്തി പീഡിപ്പിച്ചുവെന്നാണ് മന്ത്രിക്കെതിരെയുള്ള കേസ്. എന്നാൽ, തെരഞ്ഞെടുപ്പ് അടുക്കുമ്പോൾ തനിക്കെതിരെ ആരോപണങ്ങൾ ഉയരാറുണ്ടെന്നും ഇത് അത്തരത്തിൽ ഒന്നാണെന്ന് മന്ത്രി പ്രതികരിച്ചു.

നാഗൂണിൽ നിന്നാണ് രജേൻ അടുത്ത തെരഞ്ഞെടുപ്പിൽ മത്സരിക്കുന്നത്. പരാതി ലഭിച്ചതിന്റെ അടിസ്ഥാനത്തിൽ അന്വേഷണം ആരംഭിച്ചെന്ന് ഡെപ്യൂട്ടി പോലീസ് സൂപ്രണ്ട് സബിത ദാസ് അറിയിച്ചു. കോൺഗ്രസ് നേതാവ് പവൻ രേഖ രജേൻ ഗോഹെയ്‍നെ മന്ത്രിസ്ഥാനത്ത് നിന്ന് നീക്കണമെന്ന് പ്രധാനമന്ത്രിയോട് ആവശ്യപ്പെട്ടു. സ്ത്രീ സുരക്ഷയെന്ന സർക്കാർ വാഗ്‌ദാനം പ്രധാനമന്ത്രി മറക്കരുതെന്നും പവൻ രേഖ പറഞ്ഞു.