ഡെറാഡൂണ്: പാര്ട്ടി പ്രവര്ത്തകയായ യുവതിയെ ബലാത്സംഗം ചെയ്ത മുന് ബി.ജെ.പി. സംസ്ഥാന ജനറല് സെക്രട്ടറി അറസ്റ്റിൽ. മുന് ബി.ജെ.പി. ഉത്തരാഖണ്ഡ് സംസ്ഥാന ജനറല് സെക്രട്ടറി സഞ്ജയ് കുമാറിനെതിരെയാണ് പോലീസ് കേസ് രജിസ്റ്റര് ചെയ്തിരിക്കുന്നത്. പ്രവര്ത്തക തന്നെ നല്കിയ പരാതിയിന്മേലാണ് ശനിയാഴ്ച ഇയാളെ അറസ്റ്റ് ചെയ്തതെന്ന് പോലീസ് വ്യക്തമാക്കിയതായി ദേശീയ മാധ്യമങ്ങള് റിപ്പോര്ട്ട് ചെയ്തു. പാര്ട്ടിഘടകത്തിൽ ഇത് സംബന്ധിച്ച് പരാതി നൽകിയെന്നും യുവതി എ.എന്.ഐ. വാര്ത്താ വിതരണ ഏജന്സിയോട് പറഞ്ഞു. തന്റെ ജീവന് ഭീഷണിയായതോടെയാണ് പോലീസിൽ അറിയിച്ചതെന്നും ഡെറാഡൂണിലെ ബല്ബീറിലുള്ള പാര്ട്ടി ആസ്ഥാനത്ത് വെച്ചാണ് ഇയാള് തന്നെ ലൈംഗികമായി ഉപദ്രവിച്ചതെന്നും അവര് കൂട്ടിചേര്ത്തിട്ടുണ്ട്.
ഇയാള്ക്കെതിരെ പാര്ട്ടിയില് യുവതി പരാതി നൽകിയ ശേഷം സഞ്ജയ് കുമാറിനെ സെക്രട്ടറി സ്ഥാനത്തുനിന്നും മാറ്റിയിരുന്നു. ആര്.എസ്.എസ് പ്രവര്ത്തകന് കൂടിയായ സഞ്ജയ് കുമാര് ഏഴുവര്ഷത്തോളമായി സംഘടനയുടെ അധികാര സ്ഥലത്തുണ്ട്.
ഇയാള്ക്കെതിരെ പാര്ട്ടിയില് യുവതി പരാതി നൽകിയ ശേഷം സഞ്ജയ് കുമാറിനെ സെക്രട്ടറി സ്ഥാനത്തുനിന്നും മാറ്റിയിരുന്നു. ആര്.എസ്.എസ് പ്രവര്ത്തകന് കൂടിയായ സഞ്ജയ് കുമാര് ഏഴുവര്ഷത്തോളമായി സംഘടനയുടെ അധികാര സ്ഥലത്തുണ്ട്.