ആർബിഐ ഗവർണർ ശക്തികാന്ത ദാസിന് കൊവിഡ് സ്ഥിരീകരിച്ചു

മുംബൈ: ആർബിഐ ഗവർണർ ശക്തികാന്ത ദാസിന് കൊവിഡ്-19 സ്ഥിരീകരിച്ചു. തനിക്ക് കാര്യമായ ആരോഗ്യപ്രശ്നങ്ങളില്ലെന്ന് അദ്ദേഹം പറഞ്ഞു. കൊവിഡ് ബാധിതനാണെന്ന വാർത്ത അദ്ദേഹം തന്നെയാണ് ട്വിറ്ററിലൂടെ പുറത്ത് വിട്ടത്.

കഴിഞ്ഞദിവസങ്ങളിൽ താനുമായി സമ്പർക്കത്തിൽ വന്നവർ ജാഗ്രത പുലർത്തണമെന്ന് അദ്ദേഹം ആവശ്യപ്പെട്ടു. താൻ കൊവിഡ് മുക്തനാകുന്നത് വരെ ഐസൊലേഷനിൽ നിന്ന് ജോലി തുടരുമെന്ന് പറഞ്ഞ അദ്ദേഹം റിസർവ് ബാങ്ക് ജോലികൾ സാധാരണഗതിയിൽ തുടരുമെന്നും വീഡിയോ കോൺഫറൻസ്, ടെലഫോൺ എന്നിവയിലൂടെ മറ്റ് ഉദ്യോഗസ്ഥരുമായി ബന്ധപ്പെടുമെന്നും വ്യക്തമാക്കി.


Also Read : ഓണം, വിനായക ചതുർഥി, തബ്‍ലീഗ് വിടാതെ പിടി മുറുക്കിയ കൊവിഡ്; ദസറ-വിജയദശമിയിലും രോഗവ്യാപനം തുടരുമോ? ആശങ്ക

രാജ്യത്ത് നിലവിൽ പ്രതിദിന കൊവിഡ് കേസുകൾ കുറഞ്ഞ് വരികയാണ്. ആരോഗ്യമന്ത്രാലയം ഇന്ന് പുറത്തുവിട്ട കണക്കുകൾ പ്രകാരം ഇന്ന് 50,129 കൊവിഡ് കേസുകളാണ് രാജ്യത്ത് റിപ്പോർട്ട് ചെയ്‌തത്. ഇതോടെ രാജ്യത്ത് കൊവിഡ് ബാധിച്ചവരുടെ ആകെ എണ്ണം 78,64,811 ആയി ഉയർന്നു. കേരളം, മഹാരാഷ്‌ട്ര, തമിഴ്‌നാട്, കർണാടക, ആന്ധ്ര, പശ്ചിമബംഗാൾ സംസ്ഥാനങ്ങളിലാണ് കൊവിഡ് കേസുകൾ ഉയർന്ന തോതിലുള്ളത്.

Also Read : ഫ്രഞ്ച് പ്രസിഡന്‍റിന്‍റെ മനോനില പരിശോധിക്കേണ്ടതുണ്ട്; രൂക്ഷവിമർശനവുമായി തുർക്കി പ്രസിഡന്‍റ്

കഴിഞ്ഞ ദിവസങ്ങളിലേതിന് സമാനമായി രാജ്യത്ത് കൊവിഡ് മരണസംഖ്യയിലും കുറവ് രേഖപ്പെടുത്തുന്നുണ്ട്. കഴിഞ്ഞ 24 മണിക്കൂറിനിടെ രാജ്യത്ത് 578 കൊവിഡ് മരണങ്ങൾ കൂടി സ്ഥിരീകരിച്ചതോടെ രാജ്യത്തെ ആകെ കൊവിഡ് മരണം 1,18,534 ആയി. പുതിയ കണക്ക് പ്രകാരം നിലവിൽ 6,68,154 സജീവ കൊവിഡ് കേസുകളാണ് രാജ്യത്തുള്ളത്.



undefined