റിലയന്‍സ് ഓഹരി വിലയില്‍ വര്‍ധന

മുംബൈ: കടക്കെണിയിലായ റിലയന്‍സ് കമ്മ്യൂണിക്കേഷന്‍സിന്‍റെ ഓഹരി വിലയില്‍ വര്‍ധന. സ്വീഡിഷ് കമ്പനിയായ എറിക്സണുമായി നില നിന്നിരുന്ന തര്‍ക്കങ്ങള്‍ റിലയന്‍സ് പരിഹരിച്ചുവെന്ന വാര്‍ത്തകളാണ് വിപണിയില്‍ കരുത്തായത്. ഔദ്യോഗിക സ്ഥിരീകരണം ആയിട്ടില്ലെങ്കിലും വിശ്വസിനീയ കേന്ദ്രങ്ങളില്‍ നിന്നുള്ള വാര്‍ത്ത വിപണിയെ സ്വാധീനിക്കുകയായിരുന്നു.

ബോംബെ ഓഹരി സൂചികയിലും നാഷണല്‍ ഓഹരി സൂചികയിലും റിലയന്‍സിന്‍റെ ഓഹരികള്‍ നേട്ടത്തിലാണ് വ്യാപാരം അവസാനിപ്പിച്ചത്. ബോംബെ സുചികയില്‍ 56.87 ശതമാനം നേട്ടത്തോടെ 16.55 രൂപക്ക് റിലയന്‍സിന്‍റെ ഓഹരികള്‍ വ്യാപാരം അവസാനിപ്പിച്ചു. ദേശീയ സൂചികയില്‍ 65.71 ശതമാനം നേട്ടത്തോടെ 17.40 രൂപക്ക് റിലയന്‍സ് ഓഹരികള്‍ വ്യാപാരം അവസാനിപ്പിച്ചു.