ജി.എസ്‍.ടിയില്‍ അഴിച്ചുപണിക്ക് ഒരുക്കമെന്ന് കേന്ദ്ര സര്‍ക്കാര്‍

ന്യൂഡല്‍ഹി: ചരക്കുസേവന നികുതിയിലെ(ജിഎസ്‍ടി) പ്രശ്‍നങ്ങള്‍ പരിഹരിക്കാന്‍ തയ്യാറാണെന്ന് പ്രധാനമന്ത്രി നരേന്ദ്ര മോദി. കൂടുതല്‍ മികവുറ്റ നികുതി വ്യവസ്ഥയാക്കി ചരക്കുസേവന നികുതിയെ മാറ്റും ഇതിനായി മാറ്റങ്ങള്‍ ഒരുക്കമാണ് - മോദി ടൈംസ് നൗ ചാനലിനോട് പറഞ്ഞു.

ജിഎസ്‍ടിയെ എതിര്‍ക്കുന്നവര്‍ പാര്‍ലമെന്‍റിനെയാണ് ആക്ഷേപിക്കുന്നതെന്നും നരേന്ദ്ര മോദി പറഞ്ഞു. ആദായനികുതി നടപ്പാക്കിയതിന് സമാനമാണ് ജിഎസ്‍ടി. ജിഎസ്‍ടി പുതിയ സംവിധാനമാണ് അതിനോട് പൊരുത്തപ്പെടാന്‍ സമയം എടുക്കും. പിഴവുകള്‍ എന്തെങ്കിലും ഉണ്ടെങ്കില്‍ പരിഹരിക്കാന്‍ സര്‍ക്കാര്‍ ഒരുക്കമാണെന്നും പ്രധാനമന്ത്രി പറഞ്ഞു.