ന്യൂഡൽഹി: ഡൽഹിയിലെ അക്ബർ റോഡിന്റെ പേര് മാറ്റണമെന്ന ആവശ്യവുമായി ബിജെപി. തലസ്ഥാനത്തെ ബിജെപി മീഡിയ വിഭാഗം തലവൻ നവീൻ കുമാർ, ന്യൂഡൽഹി മുൻസിപ്പൽ കൗൺസിലി(എൻ ഡി എം സി) നാണ് ഇത് സംബന്ധിച്ച് അപേക്ഷ നൽകിയത്. ഹെലികോപ്റ്റർ അപകടത്തിൽ കൊല്ലപ്പെട്ട സംയുക്ത സേന മേധാവിയായിരുന്ന ജനറൽ ബിപിൻ റാവത്തിന്റെ പേര് അക്ബർ റോഡിന് നൽകണമെന്നാണ് ആവശ്യം. റോഡിന്റെ പേര് മാറ്റണമെന്നാവശ്യപ്പെട്ട് എൻ ഡി എം സി ചെയർമാനാണ് നവീൻ കുമാർ കത്തയച്ചത്. റോഡിന് പേര് നൽകുന്നത് റാവത്തിന് നൽകാവുന്ന ആദരവായിരിക്കുമെന്നാണ് കത്തിൽ പറയുന്നത്. അക്ബർ റോഡിന്റെ പേര് ജനറൽ ബിപിൻ റാവത്തിന്റേതിലേക്ക് മാറ്റി രാജ്യത്തെ ആദ്യത്തെ സിഡിഎസിന്റെ ഓർമ്മകൾ ഡൽഹിയിൽ സ്ഥിരമായി നിലനിർത്തണമെന്ന് അഭ്യർഥിക്കുന്നു. ഇത് ജനറൽ റാവത്തിന് കൗൺസിൽ നൽകുന്ന യഥാർത്ഥ ആദരവായിരിക്കുമെന്ന് വിശ്വസിക്കുന്നു. നവീൻ കുമാർ കത്തിലൂടെ പറയുന്നു.
Also Read : ആളുകൾ അവസാന നാളുകൾ കാശിയിൽ ചെലവഴിക്കും; മോദിയുടെ സന്ദർശനത്തെക്കുറിച്ച് അഖിലേഷ് യാദവ്
റോഡിന് ബിപിൻ റാവത്തിന്റെ പേര് നൽകുന്നതിനുള്ള നടപടിക്രമങ്ങൾ പരിശോധിക്കുമെന്നാണ് എൻ ഡി എം സി വൈസ് ചെയർമാൻ സതീഷ് ഉപാധ്യയ പറയുന്നത്. "എൻ ഡി എം സിക്ക് കീഴിലുള്ള ഒരു റോഡിന് പേരിടുന്നത് നടപടിക്രമങ്ങൾ പാലിച്ചാണ്. അത് എങ്ങനെ വേണമെന്നും ജനറൽ റാവത്തിന്റെ പേര് ഏത് റോഡിന് നൽകണമെന്നും ഞങ്ങൾ ചർച്ച ചെയ്യും." ഉപാധ്യായ പറഞ്ഞു. റോഡിന് റാവത്തിന്റെ പേര് നൽകണമെന്നാവശ്യപ്പെട്ട് നിരവധി അപേക്ഷകൾ തങ്ങൾക്ക് വരുന്നുണ്ടെന്നും അദ്ദേഹം കൂട്ടിച്ചേർത്തു.
Also Read : ഭരണത്തുടർച്ച: ബംഗാളിലെയും ത്രിപുരയിലെയും അനുഭവങ്ങൾ പാഠം; നേതാക്കൾക്ക് മുഖ്യമന്ത്രിയുടെ ഉപദേശം ഇങ്ങനെ
അക്ബർ റോഡിന്റെ പേര് മാറ്റാനുള്ള നീക്കങ്ങൾ നേരത്തെയും നടന്നിരുന്നു. നേരത്തെ ഒക്ടോബർ മാസത്തിൽ അക്ബർ റോഡിലെ സൈൻ ബോർഡുകൾ നശിപ്പിച്ചിരുന്നു. സാമ്രാട്ട് ഹെമു വിക്രമാദിത്യ മാർഗ് എന്ന് എഴുതിയ പോസ്റ്ററുകളും ഇവിടെ പതിച്ചിരുന്നു. ഡൽഹിയിലെ വിവിഐപി മേഖലയാണ് അക്ബർ റോഡ്. കോൺഗ്രസ് ആസ്ഥാനം സ്ഥിതി ചെയ്യുന്നത് അക്ബർ റോഡിലാണ്.
Also Read : ആളുകൾ അവസാന നാളുകൾ കാശിയിൽ ചെലവഴിക്കും; മോദിയുടെ സന്ദർശനത്തെക്കുറിച്ച് അഖിലേഷ് യാദവ്
റോഡിന് ബിപിൻ റാവത്തിന്റെ പേര് നൽകുന്നതിനുള്ള നടപടിക്രമങ്ങൾ പരിശോധിക്കുമെന്നാണ് എൻ ഡി എം സി വൈസ് ചെയർമാൻ സതീഷ് ഉപാധ്യയ പറയുന്നത്. "എൻ ഡി എം സിക്ക് കീഴിലുള്ള ഒരു റോഡിന് പേരിടുന്നത് നടപടിക്രമങ്ങൾ പാലിച്ചാണ്. അത് എങ്ങനെ വേണമെന്നും ജനറൽ റാവത്തിന്റെ പേര് ഏത് റോഡിന് നൽകണമെന്നും ഞങ്ങൾ ചർച്ച ചെയ്യും." ഉപാധ്യായ പറഞ്ഞു. റോഡിന് റാവത്തിന്റെ പേര് നൽകണമെന്നാവശ്യപ്പെട്ട് നിരവധി അപേക്ഷകൾ തങ്ങൾക്ക് വരുന്നുണ്ടെന്നും അദ്ദേഹം കൂട്ടിച്ചേർത്തു.
Also Read : ഭരണത്തുടർച്ച: ബംഗാളിലെയും ത്രിപുരയിലെയും അനുഭവങ്ങൾ പാഠം; നേതാക്കൾക്ക് മുഖ്യമന്ത്രിയുടെ ഉപദേശം ഇങ്ങനെ
അക്ബർ റോഡിന്റെ പേര് മാറ്റാനുള്ള നീക്കങ്ങൾ നേരത്തെയും നടന്നിരുന്നു. നേരത്തെ ഒക്ടോബർ മാസത്തിൽ അക്ബർ റോഡിലെ സൈൻ ബോർഡുകൾ നശിപ്പിച്ചിരുന്നു. സാമ്രാട്ട് ഹെമു വിക്രമാദിത്യ മാർഗ് എന്ന് എഴുതിയ പോസ്റ്ററുകളും ഇവിടെ പതിച്ചിരുന്നു. ഡൽഹിയിലെ വിവിഐപി മേഖലയാണ് അക്ബർ റോഡ്. കോൺഗ്രസ് ആസ്ഥാനം സ്ഥിതി ചെയ്യുന്നത് അക്ബർ റോഡിലാണ്.