ചെന്നൈ: തമിഴിലെ പ്രശസ്തയായ യുവനടി ദീപ(29)യെ മരിച്ച നിലയില് കണ്ടെത്തി. ചെന്നൈയിലെ അപ്പാര്ട്ട്മെന്റിലാണ് മൃതദേഹം കണ്ടെത്തിയത്. ഞായറാഴ്ച ഉച്ചയോടെയാണ് സംഭവം. ആത്മഹത്യയാണെന്നാണ് പ്രാഥമിക നിഗമനം. നിരവധി സിനിമകളിലും ടെലിവിഷന് ഷോകളിലും ദീപ വേഷമിട്ടിട്ടുണ്ട്. പൗളിന് ജെസീക്കയെന്നാണ് യഥാര്ത്ഥ പേര്.
Read Latest National News and Malayalam News
പ്രശസ്ത സംവിധായകന് മിഷ്കിന്റെ സൂപ്പര് ഹിറ്റ് ചിത്രം തുപ്പരിവാളനില് ഒരു ചെറിയ വേഷത്തില് ദീപ പ്രത്യക്ഷപ്പെട്ടിട്ടുണ്ട്. വരാനിരിക്കുന്ന നിരവധി ചിത്രങ്ങളിലും നടി വേഷമിട്ടിട്ടുണ്ടെന്നാണ് റിപ്പോര്ട്ടുകള്. ദിവസങ്ങള്ക്ക് മുമ്പാണ് തമിഴിലെ പ്രമുഖനായ ഗാനരചയിതാവ് കബിലന്റെ മകളും എഴുത്തുകാരിയും വസ്ത്രാലങ്കാര വിദഗ്ധയുമായ തൂരിഗെ ജീവനൊടുക്കിയത്. അരുമ്പാക്കത്തെ വീട്ടില് തൂരിഗെയെ ജീവനൊടുക്കിയ നിലയില് കണ്ടെടത്തുകയായിരുന്നു. വിവാഹത്തിന് നിര്ബന്ധിച്ചതിനെ തുടര്ന്ന് തൂരിഗെ മാതാപിതാക്കളുമായി അകന്ന് കഴിയുകയായിരുന്നുവെന്ന് റിപ്പോര്ട്ടുകളുണ്ടായിരുന്നു.
ആത്മഹത്യ ഒന്നിനും പരിഹാരമല്ല
നിങ്ങള് ഒറ്റയ്ക്കല്ല. സഹായം തേടാം ഉടനെ. ദയവായി വിളിക്കൂ;
ദിശ ഹെല്പ്പ്ലൈന് - 1056 (ടോള് ഫ്രീ)