കോഴിക്കോട് സ്വദേശി തമിഴ്നാട്ടില്‍ വാഹനാപകടത്തില്‍ മരിച്ചു

മധുരൈ: തമിഴ് നാട്ടിലെ ഡിണ്ടിഗല്‍ ജില്ലയില്‍ തിങ്കളാഴ്ച്ച രാവിലെയുണ്ടായ വാഹനാപകടത്തില്‍ കോഴിക്കോട് സ്വദേശിയായ യുവാവ് ഉള്‍പ്പെടെ രണ്ടു പേര്‍ കൊല്ലപ്പെട്ടു. തംജിത്ത് അലി ,ഡിണ്ടിഗല്‍ സ്വദേശിയും വിമുക്തഭടനുമായ അളഗര്‍സ്വാമി (60) എന്നിവരാണ് മരിച്ചത്.

ബാത്ല ഗുണ്ടു -ഡിണ്ടിഗല്‍ ഹൈവേയ്ക്കു സമീപമാണ് അപകടം. ഇരു ചക്രവാഹനത്തില്‍ സുഹൃത്തിനോടൊപ്പം സഞ്ചരിക്കുകയായിരുന്ന യുവാവ് റോഡ് മുറിച്ചു കടക്കുകയായിരുന്ന അളഗര്‍സ്വാമിയെ ഇടിക്കുകയായിരുന്നു .

ഇടിയുടെ ആഘാതത്തില്‍ റോഡിലേക്കു തെറിച്ചുവീണ തംജിത്തും തലയ്ക്കു പരിക്കേറ്റ അളഗര്‍സ്വാമിയും തത്ക്ഷണം മരിച്ചു. തംജിത്തിന്‍റെ സുഹൃത്തിനെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചിരിക്കുകയാണ് .ഇയാളെ തിരിച്ചറിഞ്ഞിട്ടില്ല. സംഭവത്തില്‍‍ സെംപാട്ടി പോലീസ് കേസെടുത്തു.

Retired armyman, youth from Kerala die in TN road accident

A retired armyman and a youth from Kerala died in a road accident near Sempatti in Dindigul district of Tamil Nadu on Monday morning.