ന്യൂഡല്ഹി: മുന് ഐഎഎഫ് ഉദ്യോഗസ്ഥനെ ഹോട്ടലില് തൂങ്ങിമരിച്ച നിലയില് കണ്ടെത്തി. അസം മന്ഗല്ഡോയ് സ്വദേശിയായ ബിജന് ദാസി(55) നെ ഉത്തര്പ്രദേശിലെ പ്രയാഗ് രാജിലാണ് മരിച്ച നിലയില് കണ്ടെത്തിയത്. മുന് ധനകാര്യമന്ത്രി പി ചിദംബരം ഇന്ത്യന് സമ്പദ് വ്യവസ്ഥ തകര്ത്തുവെന്ന് വിമര്ശിച്ചുകൊണ്ട് പ്രധാനമന്ത്രിയ്ക്ക് എഴുതിയ കത്ത് സംഭവസ്ഥലത്തു നിന്ന് കണ്ടെത്തി. അഞ്ച് പേജുകളുള്ള ആത്മഹത്യാ കുറിപ്പില് യുപിഎ ഭരണകാലത്തെ അഴിമതിയും പി ചിദംബരത്തിന്റെ നയങ്ങളും ഇന്നത്തെ സമ്പദ്ഘടനയെ താറുമാറാക്കിയതിന്റെ ഉത്തരവാദികളാണെന്ന് പറയുന്നു. സെപ്തംബര് 6 മുതല് ബിജന് ദാസ് പ്രയാഗ് ഹോട്ടലില് താമസിക്കുന്നതായും ഞായറാഴ്ച മുറിക്കു പുറത്തേക്ക് വന്നിട്ടില്ലെന്നും പൊലീസ് പറഞ്ഞു. ഈ വിവരം ഹോട്ടല് പരിചാരകന് മാനേജറെ അറിയിക്കുകയായിരുന്നു. തുടര്ന്ന്, ജനലിനിടയിലൂടെ നോക്കിയപ്പോള് ദാസ് ഫാനില് തൂങ്ങിയ നിലയിലായിരുന്നു.
സംസ്ക്കാര ചടങ്ങുകള്ക്കായി 1500 രൂപയും റൂമിന്റെ വാടകയ്ക്കായി 500 രൂപയും ആത്മഹത്യാ കുറിപ്പിന്റെ കൂടെ ദാസ് വച്ചിരുന്നു. സാമ്പത്തിക ബുദ്ധിമുട്ട് കാരണം സംസ്ക്കാരചടങ്ങുകള്ക്കായി കൂടുതല് പണം നല്കാന് കൈവശമില്ലെന്നും കുറിപ്പില് പ്രതിപാദിച്ചിട്ടുണ്ട്. അഴിമതിയും ക്രമക്കേടും നിറഞ്ഞ ഭരണം കാരണം വിരമിച്ചശേഷം ഉപജീവനത്തിന് മാര്ഗം കണ്ടെത്താന് സാധിക്കാത്തതിലാണ് ആത്മഹത്യ തെരഞ്ഞെടുത്തതെന്ന് പറയുന്നു.
തന്റെ ഇളയ മകന് ഗായകനാകണമെന്നാണ് ആഗ്രഹമെന്നും അത് പ്രധാനമന്ത്രി സഫലമാക്കി കൊടുക്കണമെന്നും അദ്ദേഹം പറയുന്നു.
സംസ്ക്കാര ചടങ്ങുകള്ക്കായി 1500 രൂപയും റൂമിന്റെ വാടകയ്ക്കായി 500 രൂപയും ആത്മഹത്യാ കുറിപ്പിന്റെ കൂടെ ദാസ് വച്ചിരുന്നു. സാമ്പത്തിക ബുദ്ധിമുട്ട് കാരണം സംസ്ക്കാരചടങ്ങുകള്ക്കായി കൂടുതല് പണം നല്കാന് കൈവശമില്ലെന്നും കുറിപ്പില് പ്രതിപാദിച്ചിട്ടുണ്ട്. അഴിമതിയും ക്രമക്കേടും നിറഞ്ഞ ഭരണം കാരണം വിരമിച്ചശേഷം ഉപജീവനത്തിന് മാര്ഗം കണ്ടെത്താന് സാധിക്കാത്തതിലാണ് ആത്മഹത്യ തെരഞ്ഞെടുത്തതെന്ന് പറയുന്നു.
തന്റെ ഇളയ മകന് ഗായകനാകണമെന്നാണ് ആഗ്രഹമെന്നും അത് പ്രധാനമന്ത്രി സഫലമാക്കി കൊടുക്കണമെന്നും അദ്ദേഹം പറയുന്നു.