ഹരിയാന കൂട്ടബലാത്സംഗം: രണ്ട് പ്രതികള്‍ അറസ്റ്റില്‍

റെവാരി (ഹരിയാന): ബിഹാറിലെ റെവാരിയില്‍ 19 വയസുകാരിയെ കൂട്ടബലാത്സംഗം ചെയ്‍ത രണ്ടുപേര്‍ കസ്റ്റഡിയില്‍. ഒരു ആര്‍മി ഉദ്യോഗസ്ഥന്‍ ഉള്‍പ്പെടെ രണ്ടുപേരെയാണ് പോലീസ് ഞായറാഴ്‍ച്ച അറസ്റ്റ് ചെയ്‍തത്.

മനീഷ് എന്ന യുവാവും ആര്‍മി ഉദ്യോഗസ്ഥന്‍ പങ്കജ് എന്നയാളുമാണ് അറസ്റ്റിലായത്. പത്ത് ദിവസം മുന്‍പാണ് സംഭവം നടന്നത്. ഇരുവരും ഒളിവിലായിരുന്നു. പ്രതികള്‍ അറസ്റ്റിലായ വിവരം ഹരിയാന ഡിജിപി വാര്‍ത്ത ഏജന്‍സി പിടിഐയോട് സ്ഥിരീകരിച്ചു.

നേരത്തെ നിഷു എന്നയാളെയും മറ്റു രണ്ട് പേരെയും പോലീസ് അറസ്റ്റ് ചെയ്‍തിരുന്നു. വലിയ പ്രതിഷേധമാണ് കൂട്ടബലാത്സംഗത്തെ തുടര്‍ന്ന് ഉത്തരേന്ത്യയില്‍ ഉണ്ടായത്. ഹരിയാന മുഖ്യമന്ത്രി മനോഹര്‍ലാല്‍ ഖട്ടാര്‍ രാജിവെക്കണമെന്ന് ആവശ്യപ്പെട്ട് പ്രതിഷേധങ്ങള്‍ തുടരുകയാണ്.