ബലാത്സംഗങ്ങള്‍ക്ക് കാരണം മുസ്ലിം ജനസംഖ്യ കൂടുന്നതെന്ന് ബിജെപി എംപി

ഫൈസാബാദ്: രാജ്യത്ത് ബലാത്സംഗവും കൊലപാതകങ്ങളും പോലെയുള്ള കുറ്റകൃത്യങ്ങള്‍ പെരുകുന്നതിന് കാരണം കൂടി വരുന്ന മുസ്ലിം ജനസംഖ്യയെന്ന് ബി ജെ പി എം പി ഹരി ഓം പാണ്ഡേ.

ബി ജെ പിയുടെ അംബേദ്‌കര്‍ നഗറില്‍ നിന്നുള്ള എംപിയാണ് പാണ്ഡേ. വരും ദിനങ്ങളില്‍ മുസ്ലിം ജനസംഖ്യ നിയന്ത്രിക്കുന്നതില്‍ സര്‍ക്കാര്‍ നടപടികള്‍ സ്വീകരിച്ചില്ലെങ്കില്‍ ഇന്ത്യ മറ്റൊരു പാകിസ്ഥാന്‍ ആയി മാറുമെന്നും അദ്ദേഹം പറഞ്ഞു. സ്വാതന്ത്ര്യം ലഭിച്ച ശേഷം ഇന്ത്യയില്‍ മുസ്ലിം ജനസംഖ്യ വര്‍ധിച്ചതായി കാണാന്‍ സാധിക്കുന്നു. ഇത് കാരണം ഭീകരവാദവും തൊഴിലില്ലായ്മയും അരാജകത്വവും കൂടി.

ഈ പ്രശ്നത്തിന് പരിഹാരം കാണുന്നതിനായി പാര്‍ലമെന്റില്‍ ബില്‍ അവതരിപ്പിക്കുമെന്നും പാണ്ഡേ പറഞ്ഞു. ഇന്ത്യയില്‍ വിഘടനവാദികള്‍ പെരുകാതിരിക്കാന്‍ ജനസംഖ്യാ നിയന്ത്രണം അത്യാവശ്യമാണെന്നും പാണ്ഡേ കൂട്ടിച്ചേര്‍ത്തു