ബിഹാറിൽ ആർജെഡി നേതാവ് വെടിയേറ്റ് മരിച്ചു
രാഷ്ട്രീയ ജനതാ ദൾ (ആർജെഡി) നേതാവ് ബിഹാറിൽ അജ്ഞാതരുടെ വെടിയേറ്റ് മരിച്ചു.
TNN 22 Dec 2017, 3:56 pm
പാറ്റ്ന: രാഷ്ട്രീയ ജനതാ ദൾ (ആർജെഡി) നേതാവ് ബിഹാറിൽ അജ്ഞാതരുടെ വെടിയേറ്റ് മരിച്ചു. ആർ ജെ ഡി നേതാവായ ഹരീറാം യാദവ് (50) ആണ് മരിച്ചത്. വെള്ളിയാഴ്ച പുലർച്ചെ പ്രഭാത സവാരിക്കിടെയാണ് ഹരീറാമിന് വെടിയേറ്റത്.
സംഭവത്തിൽ പൊലീസ് അന്വേഷണം തുടങ്ങി. ബൈക്കിൽ എത്തിയ രണ്ടംഗ സംഘമാണ് ആക്രമണത്തിന് പിന്നിലെന്നാണ് റിപ്പോർട്ട്. അക്രമികൾ പോയിന്റ് ബ്ലാങ്കിൽ നിന്നാണ് വെടി വെച്ചതെന്നാണ് പൊലീസിൻ്റെ പ്രാഥമികനിഗമനം.
അതേസമയം, അക്രമികളെക്കുറിച്ച് വിവരമൊന്നും ലഭിച്ചിട്ടില്ലെന്ന് പോലീസ് വ്യക്തമാക്കി. സംഭവത്തെ തുടർന്ന് ആർജെഡി പ്രവർത്തകരും പ്രദേശവാസികളും ഹസൻപുർ - ബിതാൻ റോഡ് ഉപരോധിച്ചു.
ബിഹാറിലെ മഹാസഖ്യം തകർന്നതിന് ശേഷം സംസ്ഥാനത്ത് കൊല്ലപ്പെടുന്ന നാലാമത്തെ ആർജെഡി നേതാവാണ് ഹരീറാം.