ന്യൂഡൽഹി: കോൺഗ്രസ് താരപ്രചാര പട്ടികയിലെ പ്രമുഖനും മുൻ കേന്ദ്ര മന്ത്രിയുമായ രതൻജിത് പ്രതാപ് നരേൺ സിങ് (ആർപിഎൻ സിങ്) കോൺഗ്രസിൽ നിന്നും രാജിവെച്ചു. ബിജെപിയിൽ ചേർന്നതായി അദ്ദേഹം ട്വീറ്റിലൂടെ വ്യക്തമാക്കി. കഴിഞ്ഞ ദിവസം കോൺഗ്രസ് പുറത്തിറക്കിയ ഉത്തർപ്രദേശിലെ താരപ്രചാരകരുടെ പട്ടികയിൽ ആർപിഎൻ സിങ് ഉൾപ്പെട്ടിരുന്നു.
"ഇന്ന് ഈ സമയം നാം നമ്മുടെ മഹത്തായ റിപ്പബ്ലിക്കിന്റെ രൂപീകരണം ആഘോഷിക്കുകയാണ്. ഞാൻ എന്റെ രാഷ്ട്രീയ യാത്രയിൽ പുതിയ അധ്യായം ആരംഭിക്കുന്നു. ജയ് ഹിന്ദ്." എന്നാണ് ആർപിഎൻ സിങ്ങിന്റെ രാജി പ്രഖ്യാപിച്ചുകൊണ്ടുള്ള ട്വീറ്റ്.
ഖുഷിനഗറിലെ പദ്രൗണ നിയമസഭാ സീറ്റിൽ നിന്നും സ്വാമി പ്രസാദ് മൗര്യക്കെതിരെ ആ‍ര്‍പിഎൻ സിങ്ങിനെ ബിജെപി മത്സരിപ്പിക്കുമെന്നാണ് റിപ്പോ‍ര്‍ട്ട്. അടുത്തയിടെയാണ് മന്ത്രിയായിരുന്ന മൗര്യ ബിജെപിയിൽ നിന്നും രാജിവെച്ച് സമാജ് വാദി പാ‍ര്‍ട്ടിയിൽ ചേര്‍ന്നത്.
അതേസമയം ബിജെപി വിരുദ്ധ പോരാട്ടത്തിൽ കോൺഗ്രസിനെ മുൻനിര്‍ത്തി മുന്നോട്ടു പോകുന്നതു സംബന്ധിച്ച് നീണ്ട ചര്‍ച്ച നടന്നെന്നും എന്നാൽ തന്‍റെ നീക്കങ്ങളെ കോൺഗ്രസ് പിന്തുണച്ചില്ലെന്നും രാഷ്ട്രീയ തന്ത്രജ്ഞൻ പ്രശാന്ത് കിഷോര്‍ പറഞ്ഞു. പ്രശാന്ത് കിഷോറുമായി ചര്‍ച്ച നടന്നിരുന്നതായി കോൺഗ്രസ് അധ്യക്ഷ സോണിയ ഗാന്ധി സ്ഥിരീകരിച്ച് ദിവസങ്ങള്‍ക്കു ശേഷമാണ് പ്രശാന്തിന്റെ പ്രതികരണം.
പശ്ചിമ ബംഗാള്‍ നിയമസഭാ തെരഞ്ഞെടുപ്പിൽ ബിജെപി പരാജയപ്പെട്ടതിനു പിന്നാലെ അഞ്ച് മാസത്തോളം കോൺഗ്രസുമായി ചര്‍ച്ച നടത്തിയെന്ന് പ്രശാന്ത് കിഷോര്‍ എൻഡിടിവിയോട് പറഞ്ഞു. മുൻപ് യുപി തെരഞ്ഞെടുപ്പിൽ കോൺഗ്രസുമായി സഹകരിച്ചെങ്കിലും പരസ്പരം വലിയ ധാരണയില്ലാത്തതിനാൽ സഖ്യം ഗുണം ചെയ്തില്ലെന്നും ഇത്തരത്തിൽ നിയന്ത്രണങ്ങളുമായി ജോലി ചെയ്യാൻ തനിക്ക് സാധിക്കില്ലെന്നും പ്രശാന്ത് കിഷോര്‍ വ്യക്തമാക്കി.
"ഇന്ന് ഈ സമയം നാം നമ്മുടെ മഹത്തായ റിപ്പബ്ലിക്കിന്റെ രൂപീകരണം ആഘോഷിക്കുകയാണ്. ഞാൻ എന്റെ രാഷ്ട്രീയ യാത്രയിൽ പുതിയ അധ്യായം ആരംഭിക്കുന്നു. ജയ് ഹിന്ദ്." എന്നാണ് ആർപിഎൻ സിങ്ങിന്റെ രാജി പ്രഖ്യാപിച്ചുകൊണ്ടുള്ള ട്വീറ്റ്.
ഖുഷിനഗറിലെ പദ്രൗണ നിയമസഭാ സീറ്റിൽ നിന്നും സ്വാമി പ്രസാദ് മൗര്യക്കെതിരെ ആ‍ര്‍പിഎൻ സിങ്ങിനെ ബിജെപി മത്സരിപ്പിക്കുമെന്നാണ് റിപ്പോ‍ര്‍ട്ട്. അടുത്തയിടെയാണ് മന്ത്രിയായിരുന്ന മൗര്യ ബിജെപിയിൽ നിന്നും രാജിവെച്ച് സമാജ് വാദി പാ‍ര്‍ട്ടിയിൽ ചേര്‍ന്നത്.
അതേസമയം ബിജെപി വിരുദ്ധ പോരാട്ടത്തിൽ കോൺഗ്രസിനെ മുൻനിര്‍ത്തി മുന്നോട്ടു പോകുന്നതു സംബന്ധിച്ച് നീണ്ട ചര്‍ച്ച നടന്നെന്നും എന്നാൽ തന്‍റെ നീക്കങ്ങളെ കോൺഗ്രസ് പിന്തുണച്ചില്ലെന്നും രാഷ്ട്രീയ തന്ത്രജ്ഞൻ പ്രശാന്ത് കിഷോര്‍ പറഞ്ഞു. പ്രശാന്ത് കിഷോറുമായി ചര്‍ച്ച നടന്നിരുന്നതായി കോൺഗ്രസ് അധ്യക്ഷ സോണിയ ഗാന്ധി സ്ഥിരീകരിച്ച് ദിവസങ്ങള്‍ക്കു ശേഷമാണ് പ്രശാന്തിന്റെ പ്രതികരണം.
പശ്ചിമ ബംഗാള്‍ നിയമസഭാ തെരഞ്ഞെടുപ്പിൽ ബിജെപി പരാജയപ്പെട്ടതിനു പിന്നാലെ അഞ്ച് മാസത്തോളം കോൺഗ്രസുമായി ചര്‍ച്ച നടത്തിയെന്ന് പ്രശാന്ത് കിഷോര്‍ എൻഡിടിവിയോട് പറഞ്ഞു. മുൻപ് യുപി തെരഞ്ഞെടുപ്പിൽ കോൺഗ്രസുമായി സഹകരിച്ചെങ്കിലും പരസ്പരം വലിയ ധാരണയില്ലാത്തതിനാൽ സഖ്യം ഗുണം ചെയ്തില്ലെന്നും ഇത്തരത്തിൽ നിയന്ത്രണങ്ങളുമായി ജോലി ചെയ്യാൻ തനിക്ക് സാധിക്കില്ലെന്നും പ്രശാന്ത് കിഷോര്‍ വ്യക്തമാക്കി.