അയോധ്യ: അയോധ്യയിലെ രാമജന്മഭൂമി-ബാബറി മസ്ജിത് ഭൂമി തര്ക്ക കേസില് സുപ്രീം കോടതി വിധി പ്രഖ്യാപിച്ചതിന് ശേഷം ആര്എസ്എസ് തലവന് മോഹന് ഭഗവത് മാധ്യമങ്ങളെ കാണും. കേസില് സുപ്രീം കോടതി 10.30ന് വിധി പ്രസ്താവിക്കും.
ആര്എസ്എസിന്റെ ഔദ്യോഗിക ട്വിറ്റര് പേജിലൂടെയാണ് മോഹന് ഭഗവത് മാധ്യമങ്ങളെ കാണുമെന്ന് അറിയിച്ചത്. ശനിയാഴ്ച ഉച്ചയ്ക്ക് ഒരു മണിക്കാണ് മോഹന് ഭഗവതിന്റെ വാര്ത്താ സമ്മേളനം. ഡല്ഹിയിലെ കേശവ് കുഞ്ച് പരിസറില് വെച്ചാണ് ആര്എസ്എസ് തലവന്റെ നിര്ണായക വാര്ത്താ സമ്മേളനം
70 വര്ഷം നീണ്ട നിയമയുദ്ധത്തിന് ശേഷമുള്ള വിധി വരുമ്പോള് സ്ഥിതി സൂക്ഷ്മമായി വിലയിരുത്തുന്നതിനായി മോഹന് ഭഗവത് ഡല്ഹിയിലെത്തിയിട്ടുണ്ട്.
സുപ്രീം കോടതി വിധിയുടെ പശ്ചാത്തലിത്തില് ആര്എസ്എസ് നവംബര് മാസത്തിലെ എല്ലാ പരിപാടികളും റദ്ദാക്കിയിരുന്നു. യാത്രകള് ഉള്പ്പെടെ എല്ലാ പരിപാടികളും റദ്ദാക്കാന് പ്രവര്ത്തകര്ക്ക് നിര്ദേശം നല്കുകയും ചെയ്തിരുന്നു.