അൻസാരിക്ക് സുരക്ഷിത രാജ്യത്തേക്ക് പോകാമെന്ന് ആർഎസ്എസ് നേതാവ്

നാഗ്‌പൂർ: മുൻ ഉപരാഷ്ട്രപതി ഹമീദ് അൻസാരിക്കെതിരെ വിമർശനവുമായി ആർഎസ്എസ് നേതാവ് ഇന്ദ്രേഷ് കുമാർ. ഇന്ത്യയിൽ മുസ്ലിങ്ങൾ അരക്ഷിതരാണെന്ന് കഴിഞ്ഞ ദിവസം ഉപരിഷ്ട്രപതി സ്ഥാനത്ത് നിന്നുള്ള വിടവാങ്ങൽ പ്രസംഗത്തിൽ ഹമീദ് അൻസാരി പറഞ്ഞിരുന്നു.

അൻസാരിക്ക് സുരക്ഷിതം എന്ന് തോന്നുന്ന ഏത് രാജ്യത്തേക്ക് വേണമെങ്കിലും പോകാമെന്ന് ഇന്ദ്രേഷ് കുമാർ പറഞ്ഞു. മുസ്ലിങ്ങൾ പോലും അദ്ദേഹത്തിന്‍റെ വാക്കുകൾക്ക് വില കൽപിക്കില്ല. അധികാരത്തിരുന്ന സമയത്ത് രാജ്യത്തെ മുസ്ലീങ്ങളുടെ സുരക്ഷയിൽ അദ്ദേഹത്തിന് സംശയം തോന്നിയില്ലെന്നും ഇന്ദ്രേഷ് കുമാർ പറഞ്ഞു. അന്‍സാരി ഒരു വര്‍ഗീയവാദിയെ പോലെയാണ് സംസാരിക്കുന്നതെന്നും അദ്ദേഹം കുറ്റപ്പെടുത്തി.

rss leader says, ansari can go to any safer country

Hamid Ansari who talked about muslims last week, today received the wrath of RSS leader