ഭാദ്ര പ്രവിശ്യയിലെ ചാനി ബാടി പ്രദേശത്തു നിന്നുള്ള വികാസ് ചൗധരി, മനോഹര്ലാല് എന്നിവര്ക്കാണ് ഈ ദുരനുഭവം നേരിടേണ്ടി വന്നത്. 2001ല് ഇവിടെ നടന്ന വികസന പ്രവര്ത്തനങ്ങളെക്കുറിച്ചായിരുന്നു ഇവര് അന്വേഷിച്ചത്.
രാജസ്ഥാന് വിവരാവകാശ വകുപ്പ് ഇവരുടെ അപേക്ഷ ഗ്രാമപഞ്ചായത്തിലേയ്ക്ക് അയക്കുകയും ആവശ്യമായ വിവരം നല്കാന് ആവശ്യപ്പെടുകയും ചെയ്തിരുന്നു. തുടര്ന്ന് രണ്ടു പേര്ക്കും പ്രത്യേകം പ്രത്യേകം രണ്ടു കവറുകള് ലഭിച്ചു. ഇതിനകത്ത് നിന്നാണ് ഇവര്ക്ക് കോണ്ടം ലഭിച്ചത്. തുടര്ന്ന് ഇക്കാര്യം പറഞ്ഞു കൊണ്ട് ഇവര് ഇട്ട വീഡിയോ ആണ് വൈറലായത്.
എന്നാല് ഇത്തരത്തിലുള്ള വസ്തുക്കള് ഒന്നും തന്നെ തങ്ങള് കവറിലാക്കി നല്കിയില്ലെന്നും അവര് ആവശ്യപ്പെട്ട വിവരങ്ങള് മാത്രമാണ് നല്ലകിയതെന്നും ഗ്രാം സേവക് അറിയിച്ചതായി എസ് ഡി എം ഭദ്ര രാജ് കുമാര് കസ്വ പറഞ്ഞു. സംഭവത്തെക്കുറിച്ച് കലക്ടര് വിശദീകരണം ആവശ്യപ്പെട്ടിട്ടുണ്ട്.