ന്യൂഡല്ഹി: സുരക്ഷാ നിര്ദേശങ്ങള് പാലിക്കാതെ വിമാനം റണ്വേയില് അതിക്രമിച്ച് കടന്ന സംഭവത്തില് രണ്ട് ഇന്ഡിഗോ പൈലറ്റുമാരുടെ ലൈസന്സ് സസ്പെന്ഡ് ചെയ്തു. ഡയറക്ടറേറ്റ് ജനറല് ഓഫ് സിവില് ഏവിയേഷന്റേതാണ് (ഡിജിസിഎ) നടപടി. മൂന്ന് മാസത്തേക്കാണ് പൈലറ്റുമാരുടെ ലൈസന്സ് സസ്പെന്ഡ് ചെയ്തിരിക്കുന്നത്. എയര് ട്രാഫിക് കണ്ട്രോളറില് നിന്നുള്ള നിര്ദേശങ്ങള് പൈലറ്റുമാര് പാലിച്ചില്ലെന്നും ഇതേ തുടര്ന്ന് വിമാനം റണ്വേ പോയിന്റിലേക്ക് കടന്നുകയറുകയായിരുന്നെന്ന് അന്വേഷണത്തില് കണ്ടെത്തിയതിനെ തുടര്ന്നാണ് നടപടി. ടാക്സി വേ അടയാളപ്പെടുത്തലുകളില് ക്രൂ ശ്രദ്ധിച്ചില്ലെന്നും പൈലറ്റുമാരുടെ നടപടി വിമാനത്തിന്റെയും യാത്രക്കാരുടെയും സുരക്ഷയെ അപകടത്തിലാക്കുന്നതാണന്നും അന്വേഷണത്തില് കണ്ടെത്തി.സംഭവത്തില് വീഴ്ച പറ്റിയതായി രണ്ട് പൈലറ്റുമാരും അറിയിച്ചതായും ഡിജിസിഎ അധികൃതര് വ്യക്തമാക്കി. കഴിഞ്ഞ ജൂണില് ഡല്ഹി ഇന്ദിരാ ഗാന്ധി അന്താരാഷ്ട്ര വിമാനത്താവളത്തിലായിരുന്നു സംഭവം. A320 ന്യൂഡല്ഹി- ഉദയ്പുര് വിമാനം പറന്നുയരുന്നതിനിടെയാണ് നിര്ദേശങ്ങള് ലംഘിച്ച് റണ്വേയിലേക്ക് കടന്നുകയറിയത്. തുടര്ന്ന് സംഭവത്തില് ഡയറക്ടറേറ്റ് ജനറല് ഓഫ് സിവില് ഏവിയേഷന് രണ്ട് പൈലറ്റുമാര്ക്കും കാരണം കാണിക്കല് നോട്ടീസ് നല്കിയിരുന്നു.
സുരക്ഷാ നിര്ദേശങ്ങള് പാലിക്കാത്തതിന് മൂന്ന് പൈലറ്റുമാരെയാണ് കഴിഞ്ഞ ജൂണില് ഡിജിസിഎ സസ്പെന്ഡ് ചെയ്തത്. കൊല്ക്കത്ത വിമാനത്താവളത്തില് വിമാനം ഇറക്കുന്നതിനിടെ ലാന്റിംഗിലെ പിഴവ് മൂലം റണ്വേയിലെ ലൈറ്റുകളില് വിമാനം തട്ടിയതിനാണ് സ്പൈസ് ജെറ്റിലെ പൈലറ്റുമാരെ സസ്പെന്ഡ് ചെയ്തത്. വിമാനം പറത്തുന്നതിനിടെ സഹജീവനക്കാരുമായി വഴക്കുണ്ടാക്കിയതിനായിരുന്നു എയര് ഇന്ത്യ പൈലറ്റിനെതിരെ നടപടി.
സുരക്ഷാ നിര്ദേശങ്ങള് പാലിക്കാത്തതിന് മൂന്ന് പൈലറ്റുമാരെയാണ് കഴിഞ്ഞ ജൂണില് ഡിജിസിഎ സസ്പെന്ഡ് ചെയ്തത്. കൊല്ക്കത്ത വിമാനത്താവളത്തില് വിമാനം ഇറക്കുന്നതിനിടെ ലാന്റിംഗിലെ പിഴവ് മൂലം റണ്വേയിലെ ലൈറ്റുകളില് വിമാനം തട്ടിയതിനാണ് സ്പൈസ് ജെറ്റിലെ പൈലറ്റുമാരെ സസ്പെന്ഡ് ചെയ്തത്. വിമാനം പറത്തുന്നതിനിടെ സഹജീവനക്കാരുമായി വഴക്കുണ്ടാക്കിയതിനായിരുന്നു എയര് ഇന്ത്യ പൈലറ്റിനെതിരെ നടപടി.