എടിഎം കാര്‍ഡ് ബ്ലോക്കായതിനാല്‍ ഭിക്ഷ യാചിച്ച് റഷ്യന്‍ സഞ്ചാരി

ചെന്നൈ: എടി എം കാര്‍ഡ് ബ്ലോക്കായതിനെ തുടര്‍ന്ന് റഷ്യന്‍ സഞ്ചാരി ക്ഷേത്ര നടയില്‍ ഭിക്ഷാടനം നടത്തി. ഇവാഞ്ചിലിൻ എന്നയാളാണ് ചെന്നൈ കാഞ്ചീപുരത്തെ ശ്രീ കുമാരകോട്ടം ക്ഷേത്രത്തിന് മുന്നിൽ പണത്തിനായി വഴി പോക്കരോട് യാചിച്ചത്. കഴി‍ഞ്ഞ ദിവസം ഇയാള്‍ ഭിക്ഷ യാചിക്കുന്ന ചിത്രം സമൂഹ മാധ്യമങ്ങളിലൂടെ വൈറലായിരുന്നു . സപ്തംബര്‍ 24 നാണ് ഇന്ത്യയിലെ വിവിധ ക്ഷേത്രങ്ങള്‍ സന്ദര്‍ശിച്ചതിനു ശേഷം ഇവാഞ്ചലിന്‍ ചെന്നൈയിലെത്തിയത്.

പണം പിന്‍വലിക്കാനായി കാഞ്ചീപുരത്തെ എടിഎം കൗണ്ടറിലെത്തിയെങ്കിലും പിന്‍ നമ്പര്‍ ലോക്ക് ആയതിനെ തുടര്‍ന്ന് പണമെടുക്കാനായില്ല. തുടര്‍ന്നാണ് ഇവാഞ്ചലിന്‍ ക്ഷേത്ര നടയിലിരുന്ന് ഭിക്ഷ യാചിക്കുകയായിരുന്നു. സംഭവം ശ്രദ്ധയില്‍പ്പെട്ടതിനെ തുടര്‍ന്ന് ഇവാഞ്ചലിന് വിദേശ കാര്യമന്ത്രി സുഷമാ സ്വരാജ് ​ ​ട്വിറ്ററിലൂടെ സഹായം വാഗ്ദാനം ചെയ്തു.

റഷ്യ എക്കാലവും നല്ല സുഹൃത്താണെന്നും ചെന്നൈയിലുളള ഉദ്യോഗസ്ഥര്‍ സഹായിക്കുമെന്നും സുഷമ അറിയിച്ചു. മന്ത്രിയുടെ നിര്‍ദ്ദേശ പ്രകാരം ഇവാഞ്ചലിനെ ശിവകാഞ്ചി പോലീസ് ചെന്നൈയിലേക്കയച്ചു.

Russian tourist begs for alms at Kancheepuram temple as his ATM PIN gets locked

A Russian on Tuesday sat at the entrance of the Sri Kumarakottam temple in Kancheepuram, Tamil Nadu, seeking alms.