വിമാനയാത്രക്കിടെ വാതിൽ തുറക്കാൻ ശ്രമിച്ച റഷ്യക്കാരന് സംഭവിച്ചത്

വിമാനയാത്രയ്ക്കിടെ ആകാശത്തുവച്ച് വിമാനത്തിന്‍റെ വാതിൽ തുറക്കാൻ ശ്രമിച്ച് യാത്രക്കാരൻ പരിഭ്രാന്തി പരത്തി. മോസ്കോയിൽ നിന്നും ദില്ലിയിലേക്കുള്ള യാത്രയ്ക്കിടെ ഒരു റഷ്യൻ വിനോദ സഞ്ചാരിയാണ് ഈ അതിസാഹസികതയ്ക്ക് മുതിർന്നത്. എയ്റോഫ്ലോട്ട് വിമാനത്തിലാണ് സംഭവം. വാതിൽ തുറക്കാൻ മുതിർന്ന യാത്രക്കാരനോട് ജീവനക്കാർ സീറ്റിൽ ഇരിക്കാൻ ആവശ്യപ്പെട്ടുവെങ്കിലും അയാൾ തയ്യാറായില്ല. തുടർന്ന് കൺട്രോൾ റൂമിലേക്ക് സന്ദേശം കൈമാറി.

വിമാനം ഇന്ദിരാഗാന്ധി വിമാനത്താവളത്തിൽ ഇറക്കിയ ഉടനെ ഇയാളെ പോലീസിന് കൈമാറി. മോസ്കോയിലെ കൺട്രോൾ റൂമിൽ നിന്നുള്ള നിർദേശ പ്രകാരം ഡൽഹി വിമാനത്താവളത്തിലും ജാഗ്രതാ നിർദേശം നൽകി. ഇയാൾ മദ്യപിച്ചിട്ടുണ്ടായിരുന്നു എന്നാണ് വൈദ്യപരിശോധനയിൽ മനസിലായത്. മദ്യപിച്ച് വിമാനയാത്രയ്ക്ക് തടസം സൃഷ്ടിച്ച ഇയാൾക്ക് കോടതി 50000 രൂപ പിഴ ചുമത്തി. ചോദ്യം ചെയ്യലിന് ശേഷം കോടതി ഇയാളെ വിട്ടയച്ചു.

Russian tourist tries to open plane door mid-air on Moscow to Delhi flight

A Russian tourist, who wanted to open the door of a Delhi-bound plane mid-air, was whisked away by the police as the flight landed at Delhi’s Indira Gandhi International Airport.