കേന്ദ്ര സാഹിത്യ അക്കാദമി തെരഞ്ഞെടുപ്പ്: ബിജെപിക്ക് തിരിച്ചടി

ന്യൂഡൽഹി: കേന്ദ്രസാഹിത്യ അക്കാദമിയിൽ പിടിമുറുക്കാനുള്ള ബിജെപി ശ്രമത്തിന് തിരിച്ചടി. ബിജെപി സ്ഥാനാർത്ഥിയായിരുന്ന പ്രതിഭ റായിയെ പുരോഗമന എഴുത്തുകാരനായ ചന്ദ്രശേഖര കമ്പാർ പരാജയപ്പെടുത്തി. 29 നെതിരെ 56 വോട്ടുകൾക്കാണ് കമ്പാർ പ്രതിഭയെ പരാജയപ്പെടുത്തിയത്. ജ്ഞാനപീഠ അവാർഡ് ജേതാവായ പ്രതിഭ ഒഡിഷ എഴുത്തുകാരിയാണ്.

മറാത്തി എഴുത്തുകാരനായ ബാലചന്ദ്ര നെമാഡെയും അധ്യക്ഷ സ്ഥാനത്തേക്ക് മത്സരിച്ചിരുന്നു. പ്രതിഭയെ വിജയിപ്പിക്കണമെന്ന് ബിജെപി അക്കാദമിയിലെ അനുകൂലികളോട് ആവശ്യപ്പെട്ടിരുന്നു. കേരളത്തില്‍ നിന്ന് പ്രഭാവര്‍മ, ബാലചന്ദ്രന്‍ വടക്കേടത്ത് എന്നിവര്‍ അക്കാദമി ജനറല്‍ കൗണ്‍സിലില്‍ പുതിയ അംഗങ്ങളായുണ്ട്. സി. രാധാകൃഷ്ണന്‍ നേരത്തേ അംഗമാണ്. ആവിഷ്‌കാര സ്വാതന്ത്ര്യത്തിനെതിരെയുള്ള മോദി സര്‍ക്കാരിന്റെ നിലപാടില്‍ പ്രതിഷേധിച്ച് കവി കെ. സച്ചിദാനന്ദന്‍ അക്കാദമി സമിതിയില്‍ നിന്ന് രാജിവെച്ചിരുന്നു.