റഫാല്‍ വിധി: നിലപാട് വ്യക്തമാക്കി അഖിലേഷ് യാദവ്

ലക്നൗ: റഫാല്‍ യുദ്ധ വിമാന ഇടപാടിലെ സുപ്രീംകോടതി വിധിയില്‍ നിലപാട് വ്യക്തമാക്കി സമാജ്‍വാദി പാര്‍ട്ടി നേതാവ് അഖിലേഷ് യാദവ്. കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി ഉന്നയിച്ച ജെപിസി അന്വേഷണം ആവശ്യമില്ലെന്നു വ്യക്തമാക്കിയാണ് അഖിലേഷ് രംഗത്തെത്തിയിരിക്കുന്നത്.

സുപ്രീംകോടതി റഫാല്‍ ഇടപാടുമായി ബന്ധപ്പെട്ട എല്ലാവിധ അന്വേഷണങ്ങളും പൂര്‍ത്തിയാക്കിയശേഷമാണ് വിധി പറഞ്ഞിരിക്കുന്നത്. ഇതില്‍ ഇനിയും സംശയമുള്ളവര്‍ കോടതിയെ സമീപിക്കുകയാണ് വേണ്ടെതെന്ന് അഖിലേഷ് പറഞ്ഞു. കരാറില്‍ സംശയം ഉണ്ടായ സാഹചര്യത്തില്‍ പുതിയ കരാര്‍ ഉണ്ടാക്കുകയാണ് വേണ്ടതെന്നും അഖിലേഷ് കൂട്ടിച്ചേര്‍ത്തു.

അതേസമയം റഫാല്‍ ഇടപാടുമായി ബന്ധപ്പെട്ട വിധിയിലെ പിഴവ് തിരുത്തണമെന്ന് ആവശ്യപ്പെട്ട് കേന്ദ്ര സര്‍ക്കാര്‍ സുപ്രീംകോടതിയില്‍ ഹര്‍ജി സമര്‍പ്പിച്ചു. കോടതിയില്‍ സമര്‍പ്പിച്ച റിപ്പോര്‍ട്ടിലെ രണ്ട് വാചകങ്ങള്‍ തെറ്റാണെന്നും സിഎജി റിപ്പോര്‍ട്ട് പാര്‍ലമെന്‍റ് പരിശോധിച്ചെന്ന ഭാഗം തിരുത്തണമെന്നും ആവശ്യപ്പെട്ടാണ് കേന്ദ്ര സര്‍ക്കാര്‍ സുപ്രീംകോടതിയെ സമീപിച്ചിരിക്കുന്നത്.