കേസുകൾ കെട്ടിക്കിടക്കുന്നതിൽ കുറ്റപ്പെടുത്തരുത്: ടി എസ് ഠാക്കൂ‍ർ

ന്യൂഡൽഹി: കേസുകൾ കെട്ടിക്കിടക്കുന്നതിൽ ജുഡീഷ്യറിയെ മാത്രം കുറ്റപ്പെടുത്തരുതെന്ന് സുപ്രീം കോടതി ചീഫ് ജസ്റ്റിസ് ടി എസ് ഠാക്കൂർ. ജഡ്ജിമാരുടെ ഒഴിവുകൾ അടിയന്തരമായി നികത്തണം. ജുഡീഷ്യൽ സംവിധാനം ഫലപ്രദമല്ലെങ്കിൽ വിദേശ നിക്ഷേപം കൊണ്ടോ മേക് ഇൻ ഇന്ത്യ കൊണ്ടോ കാര്യമില്ല. ജുഡീഷ്യറിയുടെ പ്രവർ‍ത്തനം മികവുറ്റതാക്കാനുള്ള നിർ‍ദേശങ്ങൾ സർക്കാരുകൾ പാലിക്കുന്നില്ലെന്നും ജസ്റ്റിസ് ഠാക്കൂ‍ർ പറഞ്ഞു.

പ്രധനമന്ത്രി നരേന്ദ്രമോദി പങ്കെടുത്ത മുഖ്യമന്ത്രിമാരുടെയും ഹൈക്കോടതി ചീഫ് ജസ്റ്റിസുമാരുടെയും യോഗത്തിൽ സംസാരിക്കുകയായിരുന്നു ജസ്റ്റിസ് ഠാക്കൂർ. ഏറെ വൈകാരികമായിരുന്നു ഠാക്കൂറിന്‍റെ വാക്കുകൾ. എന്നാൽ സുപ്രീംകോടതി ചീഫ് ജസ്റ്റിസിന്‍റെ വേദന മനസിലാക്കുന്നുവെന്നും പ്രശ്നങ്ങൾ കൂട്ടായി പരിഹരിക്കുമെന്നും മോദി ഉറപ്പുനൽകി.