ന്യൂഡല്ഹി: റിലയന്സ് ഇന്ഡസ്ട്രീസ് ചെയര്മാന് മുകേഷ് അംബാനിക്കും കുടുംബത്തിനും ഇസെഡ് പ്ലസ് സുരക്ഷ നല്കണമെന്ന് സുപീം കോടതി നര്ദ്ദേശം. രാജ്യത്തിനകത്തും വിദേശത്തും മുകേഷ് അംബാനിക്കും കുടുംബത്തിനും ഇസെഡ് പ്ലസ് സുരക്ഷ ഉറപ്പാക്കണമെന്നാണ് കോടതി ഉത്തരവ്. സുരക്ഷ നല്കുന്നതിന് ആവശ്യമായ ചെലവ് അംബാനി കുടുംബം നല്കണമെന്നും കോടതി നിര്ദ്ദേശിച്ചു.
അംബാനിക്കും കുടുംബത്തിനും സര്ക്കാര് സുരക്ഷ നല്കുന്നത് ചോദ്യം ചെയ്തുള്ള ഹര്ജി ത്രിപുര ഹൈക്കോടതി പരിഗണിക്കുന്നത് ചോദ്യം ചെയ്ത് സുപ്രീം കോടതിയെ സമീപിച്ചിരുന്നു. ഇതുമായി ബന്ധപ്പെട്ട ഹര്ജിയിലാണ് ഉത്തരവ്. അംബാനി കുടുംബത്തിന്റെ സുരക്ഷാ ക്രമീകരണങ്ങള് സംബന്ധിച്ച ഫയലമായി ആഭ്യന്തര മന്ത്രാലയത്തിലെ ഉദ്യോഗസ്ഥന് ഹാജരാകണമെന്ന് ത്രിപുര ഹൈക്കോടതി ഉത്തരവിട്ടിരുന്നു. ഈ ഉത്തരവ് സുപ്രീം കോടതി കഴിഞ്ഞ ജൂണില് സ്റ്റേ ചെയ്തിരുന്നു.
Read Latest National News and Malayalam News