നീറ്റ്: ഒന്നാംഘട്ട പ്രവേശനപ്പരീക്ഷ ഇന്ന്
ഇക്കൊല്ലത്തെ എം.ബി.ബി.എസ്, ബി.ഡി.എസ്. പ്രവേശനത്തിനായി ദേശീയ പൊതു പ്രവേശന പരീക്ഷയുടെ (നീറ്റ്)ഒന്നാം ഘട്ടം ഇന്ന്.
TNN 1 May 2016, 8:05 am
ന്യൂഡൽഹി: ഇക്കൊല്ലത്തെ എം.ബി.ബി.എസ്, ബി.ഡി.എസ്. പ്രവേശനത്തിനായി ദേശീയ പൊതു പ്രവേശന പരീക്ഷയുടെ (നീറ്റ്)ഒന്നാം ഘട്ടം ഇന്ന്. ഒന്നാം ഘട്ടം മാറ്റിവയ്ക്കണമെന്ന് ആവശ്യപ്പെട്ട് ഒരു വിഭാഗം വിദ്യാർഥികൾ ഇന്നലെ നൽകിയ ഹർജി സുപ്രീംകോടതി പരിഗണിച്ചില്ല. മേയ് ഒന്നിനും ജൂലൈ 24നും രണ്ടു ഘട്ടമായി പരീക്ഷ നടത്തണമെന്ന ഉത്തരവിൽ മാറ്റം വരുത്താനാവില്ലെന്ന് സുപ്രീം കോടതി വ്യക്തമാക്കി. കേരളത്തിൽ തിരുവനന്തപുരം, എറണാകുളം, കോഴിക്കോട് എന്നിവിടങ്ങളിൽ പരീക്ഷകേന്ദ്രങ്ങളുണ്ട്.
ആറരലക്ഷം വിദ്യാർഥികൾ ഇന്ന് നടക്കുന്ന പരീക്ഷയെ അഭിമുഖീകരിക്കുമെന്നാണ് പ്രതീക്ഷിക്കുന്നത്. ജൂലൈ 24നാണ് രണ്ടാംഘട്ട പരീക്ഷ നടക്കുന്നത്. രണ്ടു പരീക്ഷകളുടെയും ഫലപ്രഖ്യാപനം ഓഗസ്റ്റ് 17നായിരിക്കും. അതിൽ നിന്നാണു പ്രവേശനം നടത്തുക.
സംസ്ഥാന പ്രവേശന പരീക്ഷയ്ക്ക് തയാറെടുക്കുന്നവർക്ക് ചുരുങ്ങിയ സമയമേ അഖിലേന്ത്യാ പ്രവേശന പരീക്ഷയ്ക്ക് ലഭിക്കൂ എന്ന് വിദ്യാർഥികൾക്ക് വേണ്ടി ഹാജരായ അഭിഭാഷകർ അറിയിച്ചു. എന്നാൽ സ്ഥിരംബെഞ്ച് പരിഗണിച്ച വിഷയം വീണ്ടും എടുക്കാൻ കോടതി തയ്യാറായില്ല. നിശ്ചയിച്ച സമയക്രമ പ്രകാരംതന്നെ പരീക്ഷ നടക്കട്ടെയെന്ന് കോടതി വ്യക്തമാക്കി.
ആറരലക്ഷം വിദ്യാർഥികൾ ഇന്ന് നടക്കുന്ന പരീക്ഷയെ അഭിമുഖീകരിക്കുമെന്നാണ് പ്രതീക്ഷിക്കുന്നത്. ജൂലൈ 24നാണ് രണ്ടാംഘട്ട പരീക്ഷ നടക്കുന്നത്. രണ്ടു പരീക്ഷകളുടെയും ഫലപ്രഖ്യാപനം ഓഗസ്റ്റ് 17നായിരിക്കും. അതിൽ നിന്നാണു പ്രവേശനം നടത്തുക.
സംസ്ഥാന പ്രവേശന പരീക്ഷയ്ക്ക് തയാറെടുക്കുന്നവർക്ക് ചുരുങ്ങിയ സമയമേ അഖിലേന്ത്യാ പ്രവേശന പരീക്ഷയ്ക്ക് ലഭിക്കൂ എന്ന് വിദ്യാർഥികൾക്ക് വേണ്ടി ഹാജരായ അഭിഭാഷകർ അറിയിച്ചു. എന്നാൽ സ്ഥിരംബെഞ്ച് പരിഗണിച്ച വിഷയം വീണ്ടും എടുക്കാൻ കോടതി തയ്യാറായില്ല. നിശ്ചയിച്ച സമയക്രമ പ്രകാരംതന്നെ പരീക്ഷ നടക്കട്ടെയെന്ന് കോടതി വ്യക്തമാക്കി.