താലിബ് ഹുസൈനെതിരെയുള്ള പീഡന കേസ്, ഹർജി പരിഗണിക്കുമെന്ന് സുപ്രീം കോടതി

ന്യൂഡൽഹി: കത്വ പെൺകുട്ടിയുടെ നീതിക്കുവേണ്ടി പോരാടുന്ന സാമൂഹ്യ പ്രവർത്തകൻ താലിബ് ഹുസൈനെ വ്യാജ ലൈംഗിക പീഡന കേസിൽ അറസ്റ്റു ചെയ്ത സംഭവത്തിനെതിരെ സമർപ്പിച്ച ഹർജി പരിഗണിക്കുമെന്ന് സുപ്രീം കോടതി. ഹുസൈന്‍റെ ബന്ധുവാണ് സുപ്രീം കോടതിയിൽ ഹർജി നൽകിയത്.

ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ചാണ് കേസ് പരിഗണിക്കുന്നത്. ജൂലൈ 31നാണ് പോലീസ് ഹുസൈന് എതിരെ കേസെടുത്തത്. അകന്നു കഴിയുന്ന ഭാര്യയുടെ പരാതിയിൽ ഹുസൈനെതിരെ സ്ത്രീധനം വാങ്ങിയെന്ന കേസ് പോലീസ് നേരത്തെ എടുത്തിരുന്നു. ഇതിനിടെ പോലീസ് കസ്റ്റഡിയിൽ ജീവനൊടുക്കാൻ ശ്രമിച്ചെന്ന് ആരോപിച്ച് മറ്റൊരു കേസ് കൂടി ചാർജ് ചെയ്തിട്ടുണ്ട്.