ആപ്പ്ജില്ല

ഡൽഹിയിൽ സ്കൂൾ വാൻ ആക്രമിച്ച് ഒന്നാം ക്ലാസുകാരനെ തട്ടിക്കൊണ്ടുപോയി

വാൻ ഡ്രൈവറെ വെടിവെച്ചുകൊന്നശേഷമാണ് തട്ടിക്കൊണ്ടുപോയത്

TNN 25 Jan 2018, 11:50 am
ന്യൂഡൽഹി: പട്ടാപ്പകൽ സ്കൂള്‍ വാൻ ഡ്രൈവറെ വെടിവെച്ചു കൊന്ന ശേഷം ഒന്നാം ക്ലാസ് വിദ്യാര്‍ത്ഥിയെ തട്ടിക്കൊണ്ടുപോയി. ഡൽഹി ഷഹ്ദരയിൽ ഇന്നു രാവിലെ എട്ടുമണിയോടെയാണ് സംഭവം.
Samayam Malayalam school kid abducted after shooting school van driver
ഡൽഹിയിൽ സ്കൂൾ വാൻ ആക്രമിച്ച് ഒന്നാം ക്ലാസുകാരനെ തട്ടിക്കൊണ്ടുപോയി


കുട്ടികളെ കയറ്റി സ്കൂളിലേയ്ക്ക് പോകുകയായിരുന്ന വാൻ ഐബിഎച്ച്എസ് ആശുപത്രിയ്ക്കുസമീപം ആയുധധാരികളായ രണ്ടുപേര്‍ തടഞ്ഞുനിര്‍ത്തുകയായിരുന്നു. കുട്ടിയെ തട്ടിയെടുക്കുന്നത് തടഞ്ഞതിനാണ് ഡ്രൈവര്‍ക്ക് നേരെ നിറയൊഴിച്ചത്. തുടര്‍ന്ന് ഇരുവരും കുട്ടിയുമായി ബൈക്കിൽ രക്ഷപെട്ടു.

കറുത്ത നിറത്തിലുള്ള ബൈക്കിലാണ് അക്രമികള്‍ എത്തിയതെന്നും യുപി ഭാഗത്തേയ്ക്കാണ് ഇവര്‍ കുട്ടിയുമായി പോയതെന്നും ദൃക്സാക്ഷികള്‍ പോലീസിനോടു പറഞ്ഞു. സംഭവത്തിൽ പോലീസ് അന്വേഷണം ആരംഭിച്ചു.

ഷഹ്ദരയ്ക്ക് സമീപം സ്വകാര്യ സ്‌കൂളിൽ പഠിക്കുന്ന ഒന്നാം ക്ലാസ് വിദ്യാര്‍ഥിയെയാണ് തട്ടിക്കൊണ്ടു പോയത്‌. സംഭവത്തിനു പിന്നിൽ കുട്ടിയുടെ ബന്ധുക്കളോ പരിചയക്കാരോ ആകാമെന്നാണ് പോലീസ് സംശയിക്കുന്നത്.

എന്നാൽ പണമോ മറ്റാവശ്യങ്ങളോ ഉന്നയിച്ച് കുട്ടിയുടെ രക്ഷിതാക്കള്‍ക്ക് ഇതുവരെ അക്രമികളുടെ ഭാഗത്തുനിന്ന് യാതൊരു സന്ദേശങ്ങളും ലഭിച്ചിട്ടില്ലെന്നും പോലീസ് അറിയിച്ചു.

പദ്മാവത് സിനിമയുമായി ബന്ധപ്പെട്ട് കര്‍ണിസേന നടത്തുന്ന അക്രമങ്ങളെത്തുടര്‍ന്ന് ഡൽഹിയിൽ ഇന്ന് മിക്ക സ്കൂളുകള്‍ക്കും അവധിയാണ്.

ആര്‍ട്ടിക്കിള്‍ ഷോ

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക്പേജ് ലൈക്ക് ചെയ്യൂ
ട്രെൻഡിങ്