ബോംബുമായി പോലീസുകാരന്‍ ഓടിയത് 1 കിലോ മീറ്റര്‍

ഭോപ്പാല്‍: സ്‍കൂളില്‍നിന്ന് കണ്ടെടുത്ത ബോംബുമായി പോലീസുകാരന്‍ ഓടിയത് 1 കിലോമീറ്റര്‍. മധ്യപ്രദേശിലെ സാഗര്‍ ജില്ലയിലുള്ള ചിതോറ ഗ്രാമത്തിലാണ് സിനിമയെ വെല്ലുന്ന സംഭവം നടന്നത്. അഭിഷേക് പട്ടേല്‍ എന്ന പോലീസുകാരനാണ് സ്വന്തം ജീവന്‍ പോലും അപകടത്തിലാക്കി ബോംബ് ആള്‍പ്പാര്‍പ്പില്ലാത്ത സ്ഥലത്തേക്ക് മാറ്റിയത്.

ചിതോറയിലെ സര്‍ക്കാര്‍ സ്‍കൂളിന്‍റെ പിന്നാമ്പുറത്ത് കഴിഞ്ഞ വെള്ളിയാഴ്‍ചയാണ് ബോംബ് കണ്ടെത്തിയത്. സ്‍കൂള്‍ അധികൃതര്‍ വിവരമറിയിച്ചതിനെത്തുടര്‍ന്ന് അഭിഷേക് പട്ടേലിന്‍റെ നേതൃത്വത്തിലുള്ള പോലീസ് സംഘം സ്ഥലത്തെത്തി. ബോംബ് എങ്ങനെ നിര്‍വീര്യമാക്കും എന്ന് അധികൃതര്‍ ചിന്തിക്കുന്നതിനിടെ അഭിഷേക് 10 കിലോയോളം വരുന്ന ബോംബെടുത്ത് തോളിലേന്തി ഓടുകയായിരുന്നു. ഒടുവില്‍ ആള്‍പ്പാര്‍പ്പില്ലാത്ത ഒരിടത്തേക്ക് ബോംബ് മാറ്റുകയായിരുന്നു.

സ്‍കൂള്‍ സ്ഥിതി ചെയ്യുന്നത് ആളുകള്‍ തിങ്ങിപ്പാര്‍ക്കുന്ന മേഖലയില്‍ ആയിരുന്നതിനാല്‍ തങ്ങളുടെ പ്രാഥമിക ലക്ഷ്യം എത്രയും പെട്ടെന്ന് ബോംബ് അവിടെനിന്ന് മാറ്റുക എന്നതായിരുന്നു, അഭിഷേക് പറഞ്ഞു. ബോംബ് പൊട്ടിയിരുന്നെങ്കില്‍ 500 മീറ്റര്‍ ചുറ്റളവില്‍ നാശമുണ്ടാകുമെന്ന് തങ്ങള്‍ക്ക് ലഭിച്ച പരിശീലനത്തില്‍ വ്യക്തമാക്കിയിരുന്നെന്നും അദ്ദേഹം പറഞ്ഞു.

12 ഇഞ്ച് വലിപ്പമുള്ളതാണ് ബോംബ്. ഇത് എവിടെനിന്ന് വന്നു എന്ന് വ്യക്തമല്ല. ഏതാനും ദിവസം മുന്‍പ് സാഗര്‍ ജില്ലയിലെ ബന്നാദ് ഗ്രാമത്തില്‍നിന്ന് സമാനമായ ബോംബ് കണ്ടെത്തിയിരുന്നു. ഇതില്‍ അ
ന്വേഷണം നടന്നുവരുന്നതിനിടെയാണ് പുതിയ സംഭവം. അഭിഷേക് ഉള്‍പ്പെടെയുള്ള പോലീസുകാരുടെ ധൈര്യത്തിനും അവസരോചിതമായ ഇടപെടലിനും സമ്മാനം നല്‍കുമെന്ന് ഉന്നത ഉദ്യോഗസ്ഥര്‍ പറഞ്ഞു.



Schoolkids Watching, Cop Ran With 10 Kg Bomb On His Shoulder For 1 Km

After a bomb was found in the backyard of a local school, a 40-year-old constable picked it up with his bare hands and sprinted nearly a kilometer to deposit it at a spot far from human habitation.