അൺലോക്ക് രണ്ടാം ഘട്ടം; സ്‌കൂളുകളും കോളേജുകളും ജൂലൈ 31 വരെ തുറക്കില്ല, മെട്രോ സർവീസില്ല

ന്യൂഡൽഹി: കൊവിഡ് പ്രതിരോധ പ്രവർത്തനങ്ങൾ കൂടുതൽ ശക്തിപ്പെടുത്താനുള്ള തീരുമാനവുമായി കേന്ദ്ര സർക്കാർ. അൺലോക്ക് രണ്ടാം ഘട്ട മാർഗനിർദേശങ്ങളാണ് സർക്കാർ പുറത്തുവിട്ടത്.

Also Read: ടിക് ടോക് അടക്കമുള്ള 59 ചൈനീസ് ആപ്പുകൾ രാജ്യത്ത് നിരോധിച്ചു

മാർഗനിർദേശങ്ങളുമായി കേന്ദ്രം. സ്‌കൂളുകളും കോളേജുകളും ജൂലൈ 31 വരെ തുറക്കില്ല. മെട്രോ സർവീസും ജൂലൈ 31 വരെ ഉണ്ടാകില്ല. സ്‌കൂളുകളും കോളേജുകളും ജൂലൈ 31 വരെ തുറക്കില്ല. മെട്രോയും അന്താരാഷ്ട്ര വിമാന സർവീസും ജൂലൈ 31 വരെ ഉണ്ടാകില്ല. ബാറുകൾ തുടർന്നും അടഞ്ഞ് കിടക്കും. സിനിമാ തിയേറ്ററുകളും ജിമ്മുകളും തുറക്കില്ലെന്നും കേന്ദ്രം പുറത്തിറക്കിയ മാർഗനിർദേശത്തിൽ വ്യക്തമാക്കുന്നു.


പാർക്കുകൾ, സ്വിമ്മിങ് പൂളുകൾ എന്നിവ പ്രവർത്തിക്കില്ല. ആൾക്കൂട്ടമുള്ള സാമൂഹിക, രാഷ്ട്രീയ, സാംസ്കാരിക പരിപാടികൾക്ക് വിലക്ക് തുടരുമെന്നും കേന്ദ്ര സർക്കാർ വ്യക്തമാക്കുന്നു. കണ്ടെയ്‌ൻമെൻ്റ് സോണുകളിൽ സമ്പൂർണ ലോക്ക് ഡൗൺ തുടരും.

Also Read: ചൈനയ്ക്കെതിരെ ഇന്ത്യയുടെ 'ഡിജിറ്റൽ സ്‌ട്രൈക്ക്'; നിരോധിച്ച ആപ്പുകൾ ഇവയെല്ലാം

ബാറുകളിൽ ഇരുന്ന് മദ്യപിക്കാൻ അനുവാദമില്ല. രാത്രി സമയത്തെ കർഫ്യൂ സമയത്തിൽ കുറവ് അനുവദിച്ചു. 10 മണി മുതൽ പുലർച്ചെ അഞ്ച് മണിവരെയാകും കർഫ്യൂ സമയം. കടകളിൽ സ്ഥലസൗകര്യമനുസരിച്ച് അഞ്ചിൽ കൂടുതൽ ആളുകൾക്ക് പ്രവേശിക്കാമെന്നും മാർഗനിർദേശങ്ങളിൽ കേന്ദ്ര സർക്കാർ വ്യക്തമാക്കുന്നു.