പീഡനക്കേസിൽ ആള്‍ദൈവം അഷു മഹാരാജ് അറസ്റ്റില്‍

ന്യൂഡൽഹി: സ്വയം പ്രഖ്യാപിത ആള്‍ദൈവമായ അഷു മഹാരാജ് പീഡനക്കേസില്‍ ‍ഡൽഹി പോലീസിന്‍റെ പിടിയിലായി. ഗാസിയാബാദില്‍ നിന്ന് കഴിഞ്ഞ ദിവസമാണ് ഇയാള്‍ പോലീസ് പിടിയിലായത്. ഡൽഹി സ്വദേശിയായ യുവതിയെയും പ്രായപൂര്‍ത്തിയാകാത്ത അവരുടെ മകളെയും പീഡിപ്പിച്ചെന്നാണ് അഷു മഹാരാജിനെതിരായ പരാതി.

2008 മുതല്‍ 2013 വരെ ദില്ലിയിലെ ആശ്രമത്തില്‍വെച്ച്‌ അഷു മഹാരാജ് നിരവധി തവണ പീഡിപ്പിച്ചതായി യുവതി പരാതിയില്‍ പറയുന്നുണ്ട്. അഷു മഹാരാജിന്റെ മകന്‍ സമര്‍ഖാനെതിരെയും യുവതി പരാതി നല്‍കിയിട്ടുണ്ട്. സമര്‍ഖാനെ അന്വേഷണസംഘം കസ്റ്റഡിയില്‍ എടുത്തിരിക്കുകയാണ്. ഇവര്‍ക്കെതിരെ ശക്തമായ തെളിവുകളുണ്ടെന്നും പോസ്കോ ചുമത്തിയിട്ടുണ്ടെന്നും പോലീസ് അറിയിച്ചു.