ഹരീഷ് സാൽവെ വീണ്ടും വിവാഹിതനാകുന്നു; വധു ലണ്ടനിലെ കലാകാരി

ന്യൂഡൽഹി: മുതിർന്ന അഭിഭാഷകനും ഇന്ത്യയുടെ സോണിസിറ്റർ ജനറലുമായിരുന്ന ഹരീഷ് സാൽവെ വിവാഹിതനാകുന്നു. ലണ്ടൻ ആസ്ഥാനമാക്കി പ്രവർത്തിക്കുന്ന കലാകാരിയായ കരോലിൻ ബ്രോസാർഡ് ആണ് വധു. ഒക്‌ടോബർ 28നാണ് വിവാഹമെന്ന് വാർത്താ ഏജൻസിയായ ഐഎഎസ്എസ് റിപ്പോർട്ട് ചെയ്‌തു.

Also Read: ആശങ്ക കേരളത്തിൽ; തമിഴ്‌നാട്ടിൽ 2708 പുതിയ രോഗികള്‍, മഹാരാഷ്‌ട്രയിൽ കൊവിഡ് കേസുകൾ കുറയുന്നു

കൊവിഡ് പ്രോട്ടോകോൾ പാലിച്ചാണ് വിവാഹം നടക്കുന്നത്. 15 പേർ മാത്രമാണ് പള്ളിയിൽ നടക്കുന്ന വിവാഹ ചടങ്ങിലും തുടർന്നുള്ള വിരുന്ന് സൽക്കാരത്തിലും പങ്കെടുക്കുകയെന്ന് സാൽവെ പറഞ്ഞു.
38 വർഷത്തെ ദാമ്പത്യബന്ധത്തിന് ശേഷം 65കാരനായ സാൽവെ കഴിഞ്ഞ ജൂണിലാണ് ഭാര്യ മീനാക്ഷി സാൽവെയുമായുള്ള ബന്ധം വേർപെടുത്തിയത്. ഈ ബന്ധത്തിൽ ഇവർക്ക് രണ്ട് പെൺമക്കളുണ്ട്.

Also Read: ആർബിഐ ഗവർണർ ശക്തികാന്ത ദാസിന് കൊവിഡ് സ്ഥിരീകരിച്ചു

വടക്കൻ ലണ്ടനിൽ കഴിയുന്ന സാൽവെ ഒരു വർഷം മുൻപാണ് ബ്രോസാർഡിനെ കാണുന്നതും പരിചയപ്പെടുന്നതും. ഇവർക്ക് 18കാരിയായ മകളുണ്ട്. ബ്രിട്ടനിലെ ക്വീൻസ് കൗൺസൽ കൂടിയായ സാൽവെയാണ് കുൽഭൂഷൻ ജാദവ് കേസിൽ ഇന്ത്യക്കായി രാജ്യാന്തര നീതിന്യായ കോടതിയിൽ ഇന്ത്യക്കായി വാദിച്ചത്.