ജുഡീഷ്യറിയുടെ കാരുണ്യം കാത്തിരിക്കുന്നവരുടെ ലിസ്റ്റ് വേണോ? ഇതാ പിടിച്ചോ; ട്വീറ്റുമായി പ്രശാന്ത് ഭൂഷൻ

ന്യൂഡൽഹി: ആത്മഹത്യാ പ്രേരണാ കേസിൽ അറസ്റ്റിലായ റിപ്പബ്ലിക്ക് ടിവി മേധാവി അർണബ് ഗോസ്വാമിക്ക് ജാമ്യം നൽകിയ നടപടിയിൽ രൂക്ഷ വിമർശനവുമായി മുതിർന്ന അഭിഭാഷകനും ആക്ടിവിസ്റ്റുമായ പ്രശാന്ത് ഭൂഷൻ. "ജുഡീഷ്യറിയുടെ കാരുണ്യം കാത്തിരിക്കുന്ന ആക്ടിവിസ്റ്റുകൾ, എഴുത്തുകാർ, വിദ്യാർത്ഥികൾ എന്നിവരുടെ പട്ടിക" എന്ന പേരിൽ 'ദ വയർ' പ്രസിദ്ധീകരിച്ച ലേഖനം പങ്കിട്ടുകൊണ്ടാണ് പ്രശാന്ത് ഭൂഷൻ ട്വീറ്റ് ചെയ്തിരിക്കുന്നത്.

Also Read: ബിഹാർ ഉപമുഖ്യമന്ത്രി സ്ഥാനം സുശീൽ കുമാർ മോദിയ്ക്ക് നഷ്ടമായേക്കും; സാധ്യത ഈ നേതാക്കൾക്ക്

അർണബ് ഗോസ്വാമിയെ കേൾക്കാനും ജാമ്യം നൽകാനും തിടുക്കം കാട്ടിയ സുപ്രീംകോടതിക്കു മുന്നിൽ ജുഡീഷ്യറിയുടെ കാരുണ്യത്തിനു വേണ്ടി കാത്തിരിക്കുന്ന ആക്ടിവിസ്റ്റുകളുടേയും വിദ്യാർത്ഥികളുടേയും എഴുത്തുകാരുടേയും ലിസ്റ്റാണിത്. സാധാരണ രീതിയിൽ വിചാരണ നടത്തുന്നതിനും മനുഷ്യാവകാശങ്ങൾ സംരക്ഷിക്കുന്നതിനും ഒപ്പം രണ്ടിനുംകൂടിയാണ് അവർ പ്രയാസം അനുഭവിക്കുന്നത്. അദ്ദേഹം ട്വീറ്റിൽ പറയുന്നു.

Also Read: മുതിർന്ന കോൺഗ്രസ് നേതാവ് അഹമ്മദ് പട്ടേൽ ഐസിയുവിൽ; 'പ്രാര്‍ഥിക്കണമെന്ന്' മകൻ

ഹാഥ്രസ് സംഭവം റിപ്പോർട്ട് ചെയ്യാൻ പോകവെ അറസ്റ്റിലായ മലയാളി മാധ്യമ പ്രവർത്തകൻ സിദ്ദിഖ് കാപ്പൻ, ഭീമ കൊറേഗാവ് കേസിൽ അറസ്റ്റിലായ ആനന്ദ് തെൽതുംദെ, വരവര റാവു, ഗൗതം നവ്ലാഗ്, സിസിഎക്കെതിരെ പ്രതിഷേധിച്ച ജാമിയ വിദ്യാ‍ര്‍ത്ഥി നേതാക്കളും മുൻ നേതാക്കളും എന്നിങ്ങനെ അറസ്റ്റിലായ ആളുകളുടെ വിവരങ്ങലാണ് വയ‍ര്‍ പ്രസിദ്ധീകരിച്ചത്.