ന്യൂഡല്ഹി: പ്രധാനമന്ത്രി നരേന്ദ്ര മോദിയെ പിന്തുണച്ച് വീണ്ടും കോണ്ഗ്രസ് എം.പി. ശശി തരൂര്. അമേരിക്കയിലെ ഹൂസ്റ്റണില് നടക്കുന്ന ഹൗഡി മോദി പരിപാടിയുടെ പേരില് കോണ്ഗ്രസ് മുന് അധ്യക്ഷന് രാഹുല് ഗാന്ധി മോദിയെ വിമര്ശിച്ചതിന് പിന്നാലെയാണ് തരൂര് മോദിയെ പിന്തുണച്ച് ട്വീറ്റ് ചെയ്തത്. മോദി നമ്മുടെ പ്രധാനമന്ത്രിയാണെന്നും അദ്ദേഹത്തെ ബഹുമാനിക്കണമെന്നുമാണ് ശശി തരൂര് പറഞ്ഞത്. പ്രതിപക്ഷ പാര്ട്ടിയുടെ എം.പി. എന്ന നിലയില് നരേന്ദ്ര മോദിയുടെ നയങ്ങളെയും പ്രസ്താവനകളെയും പ്രവര്ത്തനങ്ങളെയും വിമര്ശിക്കാനും അദ്ദേഹത്തിന്റെ വീഴ്ചകളെ തുറന്നുകാട്ടാനും എനിക്ക് അവകാശമുണ്ട്. എന്നാല് അദ്ദേഹം വിദേശത്ത് പോകുമ്പോള് എന്റെ രാജ്യത്തിന്റെ പതാകയേന്തിയ പ്രധാനമന്ത്രിയാണ്. ഇന്ത്യയുടെ പ്രധാനമന്ത്രിയെന്ന നിലയില് അദ്ദേഹം അംഗീകരിക്കപ്പെടുകയും ബഹുമാനിക്കപ്പെടുകയും വേണം. -തരൂര് ട്വീറ്റ് ചെയ്തു.
മോദി ചെയ്യുന്നിനെയും പറയുന്നതിനെയും നമ്മള് അംഗീകരിക്കുന്നില്ലെങ്കിലും വിദേശത്ത് പോകുമ്പോള് നമ്മുടെ രാജ്യത്തിന്റെ പ്രതിനിധിയെന്ന നിലയില് അദ്ദേഹത്തിന് ആശംസകള് നല്കുകയാണ് വേണ്ടതെന്ന് പിന്നീട് തരൂര് മാധ്യമപ്രവര്ത്തകരോട് പറഞ്ഞു.
ഇന്നലെയാണ് ഹൗഡി മോദി പരിപാടിയെ വിമര്ശിച്ച് രാഹുല് ഗാന്ധി ട്വീറ്റ് ചെയ്തത്. ഇന്ത്യന് സാമ്പത്തികരംഗം എങ്ങനെയുണ്ട് മോദി, അത്ര നല്ലതായി തോന്നുന്നില്ലെന്നുമായിരുന്നു രാഹുലിന്റെ ട്വീറ്റ്.
നരേന്ദ്ര മോദിയെ എല്ലാ കാര്യത്തിലും വിമര്ശിക്കേണ്ടതില്ലെന്ന് പറഞ്ഞതിന്റെ പേരില് നേരത്തെ ശശി തരൂരിനെതിരെ കോണ്ഗ്രസിലെ ഒരു വിഭാഗം രംഗത്തുവന്നിരുന്നു. മോദിയുടെ വോട്ട് വിഹിതം 31 ശതമാനത്തില് നിന്ന് 37 ശതമാനമായപ്പോള് നമ്മുടേത് താഴേക്ക് പോവുകയാണ്. സ്വച്ഛ് ഭാരത്, ഉജ്വല യോജന തുടങ്ങിയ പദ്ധതികളാണ് അദ്ദേഹത്തിന് വോട്ട് നേടിക്കൊടുത്തത്. എന്നാല് ഈ സര്ക്കാര് പണിത ശൗചാലയങ്ങളില് 65 ശതമാനത്തിലും വെള്ളമില്ലെന്നതാണ് യാഥാര്ഥ്യമെന്നും അതിനാല് കൃത്യതയുള്ള വിമര്ശനങ്ങള് ഉന്നയിക്കാന് ശ്രദ്ധിക്കണമെന്നും തരൂര് പറഞ്ഞു.
മോദി ചെയ്യുന്നിനെയും പറയുന്നതിനെയും നമ്മള് അംഗീകരിക്കുന്നില്ലെങ്കിലും വിദേശത്ത് പോകുമ്പോള് നമ്മുടെ രാജ്യത്തിന്റെ പ്രതിനിധിയെന്ന നിലയില് അദ്ദേഹത്തിന് ആശംസകള് നല്കുകയാണ് വേണ്ടതെന്ന് പിന്നീട് തരൂര് മാധ്യമപ്രവര്ത്തകരോട് പറഞ്ഞു.
ഇന്നലെയാണ് ഹൗഡി മോദി പരിപാടിയെ വിമര്ശിച്ച് രാഹുല് ഗാന്ധി ട്വീറ്റ് ചെയ്തത്. ഇന്ത്യന് സാമ്പത്തികരംഗം എങ്ങനെയുണ്ട് മോദി, അത്ര നല്ലതായി തോന്നുന്നില്ലെന്നുമായിരുന്നു രാഹുലിന്റെ ട്വീറ്റ്.
നരേന്ദ്ര മോദിയെ എല്ലാ കാര്യത്തിലും വിമര്ശിക്കേണ്ടതില്ലെന്ന് പറഞ്ഞതിന്റെ പേരില് നേരത്തെ ശശി തരൂരിനെതിരെ കോണ്ഗ്രസിലെ ഒരു വിഭാഗം രംഗത്തുവന്നിരുന്നു. മോദിയുടെ വോട്ട് വിഹിതം 31 ശതമാനത്തില് നിന്ന് 37 ശതമാനമായപ്പോള് നമ്മുടേത് താഴേക്ക് പോവുകയാണ്. സ്വച്ഛ് ഭാരത്, ഉജ്വല യോജന തുടങ്ങിയ പദ്ധതികളാണ് അദ്ദേഹത്തിന് വോട്ട് നേടിക്കൊടുത്തത്. എന്നാല് ഈ സര്ക്കാര് പണിത ശൗചാലയങ്ങളില് 65 ശതമാനത്തിലും വെള്ളമില്ലെന്നതാണ് യാഥാര്ഥ്യമെന്നും അതിനാല് കൃത്യതയുള്ള വിമര്ശനങ്ങള് ഉന്നയിക്കാന് ശ്രദ്ധിക്കണമെന്നും തരൂര് പറഞ്ഞു.