ഓട വൃത്തിയാക്കാനിറങ്ങിയ ഏഴ് തൊഴിലാളികള്‍ ശ്വാസംമുട്ടി മരിച്ചു

ചിറ്റൂര്‍: ആന്ധ്രയിലെ ചിറ്റൂരില്‍ മാലിന്യ ഓട വൃത്തിയാക്കാനിറങ്ങിയ ഏഴു തൊഴിലാളികള്‍ ശ്വാസംമുട്ടി മരിച്ചു. ചിറ്റൂര്‍ ജില്ലയിലെ ഒരു സ്വകാര്യ ഹാച്ചറിയിലെ ഏഴ് തൊഴിലാളികളാണ് ശുചീകരണ ജോലിക്കിടെ ശ്വാസം മുട്ടി മരിച്ചത്. വെള്ളിയാഴ്ച രാവിലെയായിരുന്നു ദുരന്തം. മോറം ഗ്രാമത്തിലെ പലമനേറുവിലുള്ള വെങ്കടേശ്വര ഹാച്ചറിയിലാണ് ദുരന്തം നടന്നത്. ഓടയില്‍ ഇറങ്ങിയ നാല് തൊഴിലാളികള്‍ ആദ്യം േബാധരഹിതരായി വീണു.

ഇവരെ രക്ഷിക്കാനിറങ്ങിയ മൂന്നു പേരും ബോധരഹിതരായി ഓടയിലേക്ക് വീഴുകയായിരുന്നു. ദുരന്തമുണ്ടായതിനു തൊട്ടുപിന്നലെ ഹാച്ചറിയുടെ ഉടമയും മാനേജരും ഒളിവില്‍ പോയി. ആവശ്യമായ സുരക്ഷാ മുന്‍കരുതുല്‍ സ്വീകരിക്കാതെയാണ് തൊഴിലാളികളെ ശുചീകരണത്തിന് ഇറക്കിയത്. ഹാച്ചറി മാനേജ്മെന്റിന്റെ ഗുരുതരമായ അനാസ്ഥയുണ്ടായെന്നും അധികൃതര്‍ പറഞ്ഞു.