വിവാഹം കഴിഞ്ഞ് മടങ്ങവെ അപകടം; യുപിയില്‍ 6 കുട്ടികള്‍ ഉള്‍പ്പെടെ 14 പേര്‍ മരിച്ചു

പ്രതാപ്ഗഡ്: ഉത്തര്‍പ്രദേശിലെ പ്രതാപ്ഗഡില്‍ ഉണ്ടായ വാഹനാപകടത്തില്‍ 14 പേര്‍ കൊല്ലപ്പെട്ടതായി റിപ്പോര്‍ട്ടുകള്‍. കൊല്ലപ്പെട്ടവരില്‍ ആറ് കുട്ടികളും ഉള്‍പ്പെടുന്നു. യാത്രക്കാര്‍ സഞ്ചരിച്ചിരുന്ന എസ്‌യുവി ട്രക്കുമായി കൂട്ടിയിടിച്ചാണ് അപകടം ഉണ്ടായത്. മാണിക്പുര്‍ പോലീസ് സ്‌റ്റേഷന്‍ പരിധിയിലുള്ള പ്രയാഗ്‌രാജ്- ലഖ്‌നൗ ഹൈവേയില്‍ വ്യാഴാഴ്ച രാത്രിയാണ് അപകടം ഉണ്ടായത്.

Also Read: കൊവാക്‌സിന്‍ മൂന്നാംഘട്ട പരീക്ഷണത്തിന് ഇന്ന് തുടക്കം; ആദ്യ ഡോസ് സ്വീകരിക്കുക ഹരിയാന ആരോഗ്യമന്ത്രി


വിവാഹത്തില്‍ പങ്കെടുത്ത ശേഷം ഗോണ്ടയിലെ ഗ്രാമത്തിലേക്ക് മടങ്ങവെയാണ് അപകടം സംഭവിച്ചതെന്ന് പോലീസ് പറഞ്ഞു. കൊല്ലപ്പെട്ടവരുടെ കുടുംബങ്ങള്‍ക്ക് എല്ലാ സഹായങ്ങളും ഉറപ്പ് നല്‍കിയിട്ടുള്ളതായി പോലീസ് അറിയിച്ചു.

പ്രതാപ്ഗഡ് റോഡപകടത്തില്‍ യുപി മുഖ്യമന്ത്രി യോഗി ആദിത്യനാഥ് ദുഃഖം രേഖപ്പെടുത്തി. സംഭവസ്ഥലത്തെത്തി ഇരകള്‍ക്ക് സാധ്യമായ എല്ലാ സഹായങ്ങളും നല്‍കണമെന്ന് അദ്ദേഹം മുതിര്‍ന്ന ഉദ്യോഗസ്ഥരോട് നിര്‍ദേശിച്ചതായി മുഖ്യമന്ത്രിയുടെ ഓഫിസ് അറിയിച്ചു.

Also Read: 'തീവ്രവാദിയാക്കാൻ ശ്രമിക്കേണ്ട, ഇസ്ലാം മതം സ്വീകരിക്കുന്നതിന് പിന്നിൽ പോപ്പുലർ ഫ്രണ്ടല്ല': പ്രതികരണവുമായി ചിത്രലേഖ


അപകടത്തില്‍ തകര്‍ന്ന എസ്‌യുവി ട്രക്കിന്റെ പുറകില്‍ നിന്ന് പുറത്തെടുത്തതായി അപകടത്തില്‍ നിന്നുള്ള ദൃശ്യങ്ങളില്‍ കാണാം. എസ്‌യുവി പിന്നില്‍ നിന്ന ഇടിച്ചുകയറിയതിനെ തുടര്‍ന്ന് ടയര്‍ പഞ്ചറായതിനാല്‍ ട്രക്ക് ദേശീയപാതയുടെ അരികില്‍ നിര്‍ത്തിയിട്ടിരിക്കുകയാണെന്ന് പ്രതാപ്ഗഡ് പോലീസ് സൂപ്രണ്ട് അനുരാഗ് ആര്യ പറഞ്ഞു. ട്രക്കിനിടയില്‍പെട്ട കാറിന്റെ പകുതിയിലധികം ഭാഗംം പോലീസ് ഉദ്യോഗസ്ഥര്‍ പുറത്തെടുത്തു.

അപകടം നടന്നയുടനെ അഞ്ച് മൃതദേഹങ്ങള്‍ പുറത്തെടുത്തു. ട്രക്കിന്റെ അടിയില്‍ നിന്ന് കാര്‍ കണ്ടെടുത്ത ശേഷം ബാക്കിയുള്ള മൃതദേഹങ്ങള്‍ പുറത്തെടുക്കുകയായിരുന്നു. അപകടത്തില്‍ മരിച്ച കുട്ടികള്‍ എല്ലാവരും 7 നും 15 നും ഇടയില്‍ പ്രായമുള്ളവരാണെന്ന് അധികൃതര്‍ അറിയിച്ചി. മറ്റ് എട്ട് പേരും 20 നും 60 നും ഇടയില്‍ പ്രായമുള്ള പുരുഷന്മാരാണ്.