ശശി തരൂരിന്റെ മാനസിക നില തകരാറിലായെന്ന് സുബ്രഹ്മണ്യന്‍ സ്വാമി

ന്യൂഡല്‍ഹി: കോണ്‍ഗ്രസ് നേതാവ് ശശി തരൂരിനെതിരെ രൂക്ഷമായ വിമര്‍ശനവുമായി ബിജെപി നേതാവ് സുബ്രഹ്മണ്യന്‍ സ്വാമി. തരൂരിന്‍റെ മാനസിക നില തകരാറിലായിരിക്കുകയാണെന്ന് അദ്ദേഹം പറഞ്ഞു. 2019 ലും ബിജെപി അധികാരത്തിലേറിയാല്‍ ഇന്ത്യ ഒരു ഹിന്ദു പാകിസ്താന്‍ ആകും എന്ന തരൂരിന്റെ പരാമര്‍ശത്തോടു പ്രതികരിക്കുകയായിരുന്നു അദ്ദേഹം.

ഹിന്ദുക്കള്‍ക്ക് സ്വേഛാധിപതികളാകാന്‍ കഴിയില്ലെന്നും, തരൂര്‍ പാകിസ്താനിലേക്ക് പോകണമെന്നും അദ്ദേഹം പറഞ്ഞു. തരൂരിന് ചികിത്സാ സഹായം വേണോ എന്ന് പ്രധാനമന്ത്രി നരേന്ദ്ര മോദി പരിശോധിക്കണം. അദ്ദേഹത്തെ ഉടന്‍ മാനസിക രോഗാശുപത്രിയില്‍ പ്രവേശിപ്പിക്കണമെന്നും സുബ്രഹ്മണ്യന്‍ സ്വാമി പറഞ്ഞു.

തരൂര്‍ പാകിസ്താനെ സന്തോഷിപ്പിക്കുകയും മോദിയെ അധികാരത്തില്‍ നിന്നു നീക്കം ചെയ്യാന്‍ പാകിസ്താന്‍ പ്രധാനമന്ത്രിയുടെ സഹായം ചോദിക്കുകയുമാണ് ചെയ്യുന്നതെന്നും അദ്ദേഹം പറഞ്ഞു.