കടലാസ് കമ്പനികള്‍: ഗുജറാത്തില്‍ 12 പേര്‍ക്കെതിരെ കേസ്

ന്യൂഡല്‍ഹി: നോട്ട് നിരോധനത്തിനു ശേഷം 100 കോടി രൂപയുടെ പഴയ നോട്ട് കടലാസ് കമ്പനികളുടെ ബാങ്ക് അക്കൗണ്ടുകളില്‍ നിക്ഷേപിച്ച 12 പേര്‍ക്കെതിരെ സിബിഐ കേസ് എടുത്തു. അഹമ്മദാബാദിലെ 16 ഇടത്ത് വെള്ളിയാഴ്‍ച പരിശോധന നടത്തിയശേഷമായിരുന്നു നടപടി. ആക്സിസ് ബാങ്കിന്‍റെ അക്കൗണ്ടുകളിലാണ് അനധികൃതമായി നിക്ഷേപം വന്നത്.

അഹമ്മദാബാദിലെ മേംനഗറിലുള്ള ആക്സിസ് ബാങ്ക് ബ്രാഞ്ചിലെ മുന്‍ മാനേജര്‍, രണ്ട് ഉദ്യോഗസ്ഥര്‍, ഒന്‍പത് സ്വകാര്യ വ്യക്തികള്‍ എന്നിവര്‍ക്കെതിരെയാണ് കേസെടുത്തത്. ക്രിമിനല്‍ ഗൂഡാലോചന, വഞ്ചന, തിരിമറി, അഴിമതി നിരോധന നിയമം എന്നിവ പ്രകാരമാണ് ഇവര്‍ക്കെതിരെ കേസ് എടുത്തിട്ടുള്ളത്.

നോട്ട് നിരോധനത്തിനുശേഷം അനധികൃതമായി കോടിക്കണക്കിനു രൂപ അക്കൗണ്ടുകളില്‍ നിക്ഷേപിക്കാന്‍ ആക്സിസ് ബാങ്ക് ഉദ്യോഗസ്ഥര്‍ കൂട്ടുനിന്നെന്നാണ് ആരോപണം. ഇവര്‍ ചട്ടങ്ങള്‍ തെറ്റിക്കുകയും ഔദ്യോഗിക പദവി ദുരുപയോഗം ചെയ്യുകയും ചെയ്‍തു.

Shell firms case: CBI books 12 people in Ahmedabad

They were booked for allegedly depositing old notes amounting to Rs 100 crore in shell companies' accounts in Axis Bank post demonetisation.