ഛത്രപതി ശിവജി പ്രതിമയ്ക്കു മുകളില്‍ കുട സ്ഥാപിക്കണമെന്ന് ശിവസേന

മുംബൈ: മുംബൈ അന്താരാഷ്ട്ര വിമാനത്താവളത്തിനു പുറത്ത് സ്ഥാപിച്ച ഛത്രപതി ശിവജി പ്രതിമയെ ആചാരനുസൃതമായ കുടചൂടിക്കണമെന്ന് ശിവസേന നേതാവ് ഉദ്ദവ് താക്കറെ. മുംബൈയില്‍ നടന്ന ശിവ് ജയന്തി ആഘോഷത്തില്‍ സംസാരിക്കുകയായിരുന്നു അദ്ദേഹം.

ഇക്കാര്യ മുന്‍പും എയര്‍പോര്‍ട്ട് അതോറിറ്റിയുടെ ശ്രദ്ധയില്‍പ്പെടുത്തിയിരുന്നു. അവര്‍ നടപടികള്‍ സ്വീകരിച്ചിരുന്നില്ലെന്നും കുട സ്ഥാപിക്കാത്ത പക്ഷം ശിവസേന തന്നെ ആ കര്‍മ്മം നിര്‍വ്വഹിക്കുമെന്നും അദ്ദേഹം പറഞ്ഞു.

ശിവ് ജയന്തി മഹാരാഷ്ട്രക്കാര്‍ക്ക് സാധാരണ ദിവസമല്ലെന്നും ദീപാവലി, ദസറ, ഗണേശ ഉത്സവം തുടങ്ങിയ ഉത്സവങ്ങള്‍ പോലെയുളള ദിവസമാണെന്നും ഉദ്ദവ് താക്കറെ കൂട്ടിച്ചേര്‍ത്തു. ഹിന്ദു കലണ്ടര്‍ പ്രകാരമാണ് ശിവസേനയും മറ്റു ഹിന്ദുത്വ ഗ്രൂപ്പുകളും ശിവ് ജയന്തി ആഘോഷിക്കുന്നത്.